Auala E Puipuia Ai Le A'afiaga O Meatuaolo Mai Le Fa'ama'i O Le African Swine Fever.
Fuafuaga mamao a le Matagaluega Fa'atoaga ma Faigafaiva mo se auala e puipuia ai le a'afiaga o meatuaolo
Ata Pueina: Eyespy Radio / Hope Vaitofiga Tupou
O le aso 3 o Novema na fa'atautaia ai se folasaga mai le Matagaluega o Fa'atoaga ma Faigafaiva, ma se tasi o fa'alapotopotoga ua taua o le (P.H.A.M.A Plus) e fa'atatau i auala e puipuia ai meatuaolo mai le fa'ama'i e taua o le swine fever, ao se latou vaai mamao i le gaosiaina o meaai tau manu fasi aua le puipuiga o meatuaolo tu'u pa mai le a'afiaga o le fa'ama'i, (fiva Aferika).
O lenei vairusi e tele lona a'afiaga i meatuaolo ta'aloa, meatuaolo tu'u pa i fai fa'atoaga i Samoa, ae le gata i lea o lenei vairusi e leai se fofo ao se vailaau e togafitita ai lenei fa'ama'i, ma e a'afia uma ituaiga meatuaolo i le vairusi o le fiva Aferika.
Ma e iai le a'afiaga o le vai varusi i fefa'atauaiga a'o le fafaga o lafu i meaai o lo'o a'afia i le vai varusi ma le feavea'i e tagata i latou ofu, se'evae ma mea faigaluega le vairusi i isi lafu pua'a.
Na taua e se tasi o failafumanu mai le afioaga o Toamua sa auai i lea faamoemoe, Evelimoni Faitau "Fa'afetai mo le polokalame ua fa'ailo mai ai lenei fa'ama'i e a'afia ai meatuaolo, o se auala ma se vaai mamao mo la'u lafu pua'a, talitonu o le a tausia ma puipuia mai i lenei fama'i ua taua o le fiva Aferika."
O lo'o iai le vaai mamao a le Matagaluega o Fa'atoag ma Faigafaiva mo le tausaga o lumana'i e gaosia ai meaai manu fasi aua le puipuiga o meatuaolo ma manu tu'u pa mai le fa'ama'i, (African Swine Fever.)