Faatautaia Se Semina ile afioaga o Musumusu ma Salimu
Ata Pueina: DMO
Fa'ataua e le afioaga o Musumusu ma Salimu i Vai-Fagaloa le malamalamaaga i ripoti e faatatau i suiga o le tau mo le faaiuga o lenei tausaga.
Na faatautaia se semina ile afioaga o Musumusu ma Salimu, ma sa mafai ai ona auai sui o le ofisa ole vaaitau ma sui o le ofisa o le koluse mumu i le faatautaia lea o se polokalame taua i tua o nuu ma afioaga na taua i luga, mo le tapenapenaga i le tali atu i suiga maaleale o le tau i le faaiuga o tausaga taitasi.
O le afioaga o Musumusu ma Salimu o nisi o afioaga na faatautaia ai lenei polokalame.
O le faamoemoega autu o lenei polokalame "ia lava tapena e vave tali i atu i fa'alavelave matuia" e ono aliae mai. Ole lagolago sua a le sosaiete a le koluse mumu faapea ai Ofisa o le Vaaitau i le faatautaiga o le la faigafaapaaga, e fesoasoani ile faatinoina lea o nei polokalame taua aua le nonofo tapena ai ole atunuu mo faalavelave faafuase'i.
Ata Pueina: DMO
E lima vaiaso oloo faatinoina ai lenei polokalame taua i tua o nei alalafaga e 2, ina ia mafai ona gafataulimaina ma vave ona tali atu i faalavelave matuia e tauala mai ile fesoasoani muamua ole Ofisa Vaaitau ole Lalolagi.