Manumalo Le Toa Samoa Ia Farani
Toa Samoa 62 Farani 04
Ata: Toa Samoa
O le aso 31 o Oketopa 2022 na fa'atautaia ai fa'agatama Toa Samoa ma le au malosi o Farani, e sailia ai le au e seei atu i le quater final ma le Matema'a Toga i le aso 7 o Novema.
Na fa'atautaia le fa'agatama i Enelagi i le vaveao o le aso Gafua, ua saofaga le aulakapi liki a le atunu'u le "TOA SAMOA" i le Quater Final ina ua fa'atoilalo ina le au malosi a Farani.
Toa Samoa 62 Farani 04
Ata: Toa Samoa
O le vaveao o le Aso Gafua 31 o Oketopa, na fa'atautaia ai le ta'aloga i le va o le Toa Samoa ma Farani i totonu o Enelagi le atunu'u talimalo i le ipu o le lalolagi o le lakapi liki 2022.
O lo'o mata'ituina pea le ta’aloga mulimuli, e sailia ai avanoa o ‘au taitasi mo le Quarter Final i lenei tausaga 2022.
O le Toa Samoa ma Farani sa fa’atoilaloina le au a Greece ae sa faia’ina uma i le au a Enelagi.
Na maitauina le tulaga si’itia ai o le ta’a’alo a le Toa Samoa, talu mai ana ta’aloga e lua ua mae’a. O se va'aiga maualuga na maitauina i le vave o le vave ona fa’asoaina o le polo fa’apea fo’i i le tulaga o le puipuiga ma le osofaiga malosi o alo ma fanau aua se 'ai mo le atunu'u o Samoa.
Ua mautinoa nei le seei atu o le Toa Samoa e ta’a’alo ma le 'au malosi mai le Matema’a Toga i le Quarter final.
I le ‘afa muamua na (28) le Toa Samoa i le (0) a Farani, i le maitauina pea a le atunu'u i le afa mulimuli o le ta’aloga na tula’i mai ai ‘ai o le ta’aloga, Toa Samoa e (62) i le (4) a Farani.
I le tu’ufatasiga o sikioa na maua e alo ma fanau o le Toa Samoa, o sikoa na mauaina Brian To’o (2), Taylan May (4), Tim Lafai (2), Anthony Mildford ma Harris Tavita na mauaina isi sikoa e 2, i le aotelega o sikioa ma le ova ai o polo na kiki ina e Stephen Crichton ma ‘ova ai a’a i le pou e 9, tu’ufa’atasiga o ai o le ta’aloga 62 ai na sola ai lau Toa Samoa ma lana ta'aloga ma Farani.
O se va'aiga fiafia loto i le mamalu o le atunu'u, ona o le tapuaiga o alo ma fanau o lo'o sisi pea lo tatou tagavai ma saili se ai mo SAMOA.
E le sala upu mai anamua, "E LE SILI LE TA'I NAI LO LE TAPUA'I"
Manuia lou alo atu TOA SAMOA mo le Quater final!
GO TOA!