Manumalo T.I.R Moata'a ile Apia Maroons

T.I.R Moata'a Rugby Club

Photo: T.I.R Moata'a Rugby

O le Aso To'ona'i o le vaiaso ua mavae na faatoilaloina ai e le au lakapi Moata'a T.I.R le au malosi a le Apia Maroons e 24 - 18, i le malae a le Lakapi Samoa i Tuanaimato.

 Ua lua ai nei tausaga e lei toe seiina le Talita mo le Men's A Division mai ia Apia, peitai e lei tuumamaina e Moata'a lea taaloga ma iu ai lava ina o latou manumalo ai i le Talita mo le Iuni Lakapi a Apia I le amataga o lenei tausaga.

E tolu sikoa na maua e Moata'a, ae sa mataina foi le latou puipuiga ao taumafai ai Apia e tuli a latou ai.

Na saunoa le Faia'oga Lagolago a le au a Moata'a ia Nuutasi Lalolavi ina ua mae'a le taaloga ma Apia, " Ao matou tapena ai mo le Ta'amilosaga I lenei tausaga, sa o matou naunau lava ia matou manumalo i le taaloga muamua ma Apia."

Na tā'ua e se tasi o sui o le laina I tua a Moata'a ia Punefu Toa, e ui na faigata le taaloga ona e lei fia faiaina Apia, ae na saunoa o le mafua'aga na manumalo ai lana au ona o le taaalo lototasi e pei oni auuso.

"Lagona lava le fiafia ua taunuu manuia le taaloga ma le auuso, ma o le faamoemoe lea e iai ia maualuga sa matou taumafaiga I lenei tausaga.

O le Aso To'ona'i a sau o le a faatautaia ai le le round two o lea ta'amilosaga.