E ono tatala malaga a vaalele ise taimi lata mai.
Na faailoa ele tamaitai Palemia o Samoa ia Fiame Naomi Mataafa ise feiloaiga ma tusitala le tuuina atu lea ele Kapeneta ose faatonuga ile Komiti o Faalvelave Tutupu Faafuasei(NEOC) ina ia tapena ai se latou fautuaga e faavae i se latou sailiiliga muamua ise taimi mase masina e alagatatau ai ona toe fo'i Samoa e tatala ana faigamalaga mo le lalolagi ma tagata fia Asia Samoa.
Ile silasila ale faigamalo oloo ua iai nei, e faigata lava ona iloa tonu se taimi e ono uma ai lenei faamai ile lalolagi, ma ua manatu ai ua tatau ona tilotilo Samoa ise tulaga ole faamasani ona ola faatasi male fa'amai epei o isi foi atunuu.
Ma ole mafuaaga tonu foi lea oloo naunau ai le malo ina ia faasopolia ai le atunuu uma mo e ua agavaa e faia tui puipui ona ua nao pau ole tulaga e mafai ona tau taofiofia ai le pepesi ole faamai ma tuuitiitia ai aafiaga e pei ona sa amata mai ai.
Ile tolu ai o tausaga talu ona aafia le lalolagi ile faamai ua ose tulaga ua vaaia ai le pau maualalo o tupe maua a pisinisi ma kamupani ae ole aafia ai foi avanoa mo tagata faigaluega.
Olea foi ua faailoa ai ele komiti faafoe mo faalavelave tutupu faafuasei nisi o laasaga o faailoilo ile iai ole atunuu i puipuiga ole Koviti 19.
O laasaga e fa ni vaega ua vaevaeina ai, ole laasaga 0, ole lanu meamata, olona uiga ua pepesi le faamai ile lalolagi, ole laasaga 1 , ole lanu samasama olona uiga ua pepesi le faamai i taga sa malaga mai fafo ma oloo faanofoesea i nofoaga faapitoa.
O le la’asaga #2, o le lanu moli, o lona uiga ua fa’atupulā’ia tagata ua a’afia i le fa’ama’i i totonu o nofoaga o lo’o fa’anofoesea ai.
Ma le la’asaga #3, o le lanu mūmū ua pepesi po’o ua mama i tua le fa’ama’i ma ua sao atu i le atunu’u lautele, o lona uiga ua tatau ona tapunia le atunu’u atoa – lockdown.
Ole tulaga ua vaavaai iai le malo male kapeneta ia lea tulaga ona ole tele o talosaga ale mamalu ole atunuu i atunuu i fafo e fia malaga mai e asia aiga i Samoa nei.
Aemaise oloo loma foi le faamantuina ole 60 tausaga talu ona tutoatasi ma oloo iai foi ni talosaga a nisi o taitai mai le malo o Niu Sila e fia auai.