FA'AFETAIA E LE AFIOGA PALEMIA LE TAUTUA MATAVELA O LE TINA IA GALULOLO ELISAIA
NA FA'AFETAIA E LE AFIOGA PALEMIA, FIAME MATA'AFA LE TAUTUA MATAVELA O SE TASI O TINA UA LOA LANA TAUTUA I TOTONU O LE MATAGALUEGA PALEMIA MA LE KAPENETA LE SUSUGA IA GALULOLO ELISAIA, I LE ASO 04 NOVEMA 2022.
Ata Pueina: Malo O Samoa
O le aso Faraile, 04 Novema, 2022 sa fa’atauaia ai se fa’amavaega a le Matagaluega a le Palemia ma le kapeneta ma le susuga ia Galulolo Elisaia ua loa lana tautua mo tagatanu’u o Samoa fa’apea totonu o le Matagaluega o le Palemia ma le Kapeneta i tausaga ua mavae.
I le tausaga 1996 na fa’avae ai le tautua o le susuga ia Galulolo i totonu o le ofisa Palemia ma le Kapenta se’ia o’o mai le tausaga 2022.
Na saunoa Galulolo i se pepa o fa’amatalaga, o lana tautua mo tagatanu’u o Samoa fa’apea le matagaluega e iai taimi e fesoua’i ai ma fa’afitauli ae o lo’o tumau pea lana tautua ma le fa’avae aua le tautuina o le atunu’u.
Sa maua le avanoa taua e feiloa’i ai le Afioga i le tama’ita’i Palemia,Hon Fiame Mata’afa ma le susuga ia Galulolo Elisaia, sa momoli ai lana upu fa’alaeiau ao se upu fa’amalosi e tomatauina ai le lumana’i o le ola soifua.
Galulolo Elisaia o se tasi o toa manumanu o le atunu’u ua loa lana tautua mo le Matagaluea a le Palemia ma le Kapeneta i tausaga ua mavae, o lana tautua matavela mo Samoa ma ona tagatanu’u fa’apea le Ta’ita’i o le Malo i tausaga ua mavae na tautua ai mo le atunu’u.
Ua fa’amavae aloia Galulolo Elilsaia mai ona tofiga fa’alemalo sa tautua ai i totonu o le Matagaluega a le Palemia ma le Kapeneta mai i le tausaga 1996 sei’ia o’o mai i le tausaga 2022.
Na fa'afetaia e le susuga ia Galulolo Elisaia le Afioga le tama'ta'i palemia, Hon Fiame Mata'afa, "Malo lava le fai o le faiva, e iai lava le taimi o le Atua ma le tagata ma lana tofiga, fa'amanuia le Atua i lana valaauina i le tama'ta'i palemia. O se avanoa fa'a'auro ua aumaia e le Atua i lenei aso, o ai na iluilu ma talutalu o le a pue se ata ma lau afioga, ua toe o se 'aga ona fa'amavae atu lea i tofiga na tautua ai mo le atunu'u."
E le’i muta ai le agaga o le fia fa'afetaia o le susuga ia Galulolo lana Matagaluega ua loa ai lana tautua i tausaga ua mavae.
O le toe upu mai le Afioga Palemia, Fiame Mata'afa, "Galulu manuia tele la'asaga o lou soifua, ia fa'amanuia foi le Atua i le Matagaluega Palemia ma le kapenta i lenei tausaga 2022."