Fa’atinoina Se Suesuega I Gataifale O Le Afioaga O Ulutogia-Aleipata.
Ata Pueina: MNRE
Fa’atinoina se suesuega a le matagaluega o punaoa falenatura ma le siosiomaga i gataifale o le afioaga o Ulutogia-Aleipata.
Na mafai ona faatautaia se suesuega a le matagaluega o punaoa falenatura ma le siosiomaga i tua i nuu ma afioaga ma ose tasi lea o nuu e atoa ai le fitu o afioaga sa auai atu aim ole sailiiliga o faasao i gataifale o afioaga taitasi nei e fitu.
Na ta’ua e le matagaluega, le tele o le sao o le afioaga o Ulutogia Aleipata I mea tau o fa’asao mo gataifale aua se nofo lelei o figota o lo’o nonofo I totonu o nei ‘amu ma a’au o le afioaga, mai se sailiiliga a le matagaluega ua mataituina ai loa se taua o lenei poloketi i totonu o le afioaga o Ulutogia.
O le manulauti ma le faamoemoega autu o lenei polokalame ia mafai lea ona faaleleia ‘amu ma a’au o gataifale o nuu ma afioaga o samoa i suiga ole tau. Ma ua mafai ai loa ona faatautaia i tua o alalafaga aua le toe faaleleia lea o ‘amu ma togatogo ua faaleagaina i suiga maaleale ole tau, e pei o le siisii o le suasami ua faaleagaina ai ‘amu ma a’au, ua oona le suasami ua nutipalaina ai ‘amu ma a’au.
Ata Pueina: MNRE
Ua ‘ae ai loa se tofa i le afioaga mo le toe totoina lea o ‘amu ma togatogo ma o se fesoasoani tele mai lea ile matagaluega mo le faatinoina o ‘aoa’oga faatino i le tausiga o le amu ma le totoina o le togatogo aua o vaega taua lava ia ole faatinoga.
Na momoli ai foi le agaga faafetai a le matagaluega i nuu ma afioaga o Ulutogia faapea le fesoasoani o aumaga ma komiti o tina o le afio’aga, i le latou lagolago foi i le faagasologa o su’esu’ega ma ua mafai ai ona galulue faapa’aga ma le vaega a le siosiomaga ma le fa’asao aua galuega toe fa’aleleia o gataifale a le afioaga.