Na Fa'alauiloa Se Tasi O Tusi Na Tusia E Peter Swain E Taua O Le "FONO"
Peter Swain
Ata Pueina: SSAB
Na fa'alauiloa e le kamupani o le SSAB se tasi o tusi na tusia e Peter Swain e taua o le "FONO" i le aso 27 o Oketopa.
I le aso ananafi na fa’atumulia ai le ofisa o le SSAB Megastore i faiaoga ae le gata ai lea o fanau aoga i le molimauina o le fa’alauiloaina lea o se tasi o tusi samoa e taua o “FONO” ma sa tusia e se tasi o tusitala na ia tusia muamua se tusi e taua o le “PALEMIA” e suafa ia PETER Swain.
Fono
Ata Pueina: SSAB
O lenei tusi o loo fa’amatalaina ai atinaeina o le pulega tulaga ese o Samoa, ma i latou na tau mo le pule ma le fa’avaeina o le atinae o le tuto’atasi o Samoa mai le ulua’i nofoia e Siamani ma Niusila i pulega fale-nuu, e aofia ai le faiga palota lautele 2021.
O lenei tusitala sa ia tusia se tusi o loo falauiloa i le taimi nei i le SSAB e taua o le Palemia ma sa mafai ona fesoasoani ai foi le sa avea ma palemia o Samoa i le tusia ina o lenei tusi le Afioga ia Tuilaepa Lupesoliai Sailele Malielegaoi.
E silia ma le 30 tausaga na ia fa’afoeina ai le polokalame tau atinae mo faalapotopotoga faavaomalo i atunuu o le pasefika.