Toe Malaga Mai Le Alo O Samoa ia Marion Fausitino Ah Tong
Marion Fausitino Ah Tong
Ata Pueina: Marion Ah Tong FB
Ole masina fou olea taunuu mai ai se tasi o alo o Samoa ua lauiloa ile faaagatama o le fusu e faatautaia
lea I Samoa ile aso 26 o Novema o le tausaga nei.
Ole manulauti o lenei alii fusu ia mafai ona avea o ia ma se tasi o tagata fusu faapolofesa I se aso
Ma o lana malaga mai ia mafai ai foi e alo ma fanau o Samoa ona latou auai I lea taaloga e faalauiloa atili
ai le taleni o loo I ai latou.
I lana faatalatalanoaga I nisi foi o tapenaga ao sauni atu lea mo le taamilosaga olea faatinoina lea I le
masina fou, na ia taua ai le telē o se lesona na ia maua mai ai ao iai totonu o le au fusu a se tasi o alo o
Samoa o Ato Plodzicki Faoagali e fesoasoani I le tauamataina foi o lana taumafaiga I totonu o Ausetalia.
Na ia taua foi ose fiafiaga tele ia te ia, le mafai lea ona ia malaga mai I Samoa e faataunuuina ai lenei
taamiloga e ta’ua o le “Judgement day” auā e leai se isi nofoaga e sili atu e faatinoina ai lenei taamiloga
nai loo lona atunuu na ola mai ai ma amata ai ana miti uma ae le gata I lea ua mafai ai ona ia mafuta atu
foi I lona aiga o loo I Samoa sa faafailele ai ma fesoasoani ai lana taleni.