Ua Faatagaina Junior Paulo E Taalo le R.L.W.C I Le Va O Samoa Ma Enelagi
Kaputeni O le Toa Samoa ia Junior Paulo.
Ata Pueina: R.L.W.C
Ua toe maua nei e le alii kapiteni ia Junior Paulo le avanoa e ta'alo ai i le ta'aloga Semi Final o lo'o loma nei mo le aso Toanai ma le 'au malosi mai Enelagi
O lea fa'aiuga sa fa'ailoa mai e le ofisa o le ipu o le lalolagi mo le lakapiliki 2021 i le taeao o le Aso Lulu.
O Junior Paulo sa tula'i i luma o le fono o lo'o mata'ituina gaioiga le talafeagai i le fa'atinoina ai o le ta'aloga ma a'afia ai nisi o tama ta'alo i totonu o le malae.
O lea gaioiga sa tula'i ai Paulo i luma o le fono, sa tula'i mai i le ta'aloga i le va o Samoa ma le Matema'a Toga i le taeao o le Aso Gafua ua mavae, sa tutu'i ai e Paulo i lona tulilima le fofoga o se sui ta'alo mai le 'au a le Matema'a Toga ia David Fifita.
Ole fono sa faia lea faaiuga ina ia toe taaalo Paulo, e aofia ai HHJ Sarah Wright, Wilf George ma Lindsay Arnold.
Ma o lea toe mafai ona ta'alo ai o Paulo i le ta'aloga o le Semi-final i le Aso Sa i le itula e 3am i le vaveao.
Ua fa'afetaua e i latou o lo'o lagolagoina le Toa Samoa e pei ona vaaia i luga o le upega tafa'ilagi poo le social media.