Molia le alii Ofisa Sili o Turisi ile faia o upu faalumaluma i tagata faigaluega.

Ua molia nei ele ofisa o leoleo ia le CEO ole STA le lafoina o upu taufaifai i nisi o tagata faigaluega.

Faamaonia mai ise pepa o faasalaga poo se pepa mose tagi na faauluina ese tasi o tagata faigaluega ile ofisa o leoleo e faasaga ia Suifua ona o upu faifai ma faalumaluma e lafo i tagata faigaluega.

Ole masina na te'a nei na faaulu ai ni tagi a nisi ole aufaigaluega ale Ofisa o Turisi faasaga ile Ofisa Sili ona ole auala e talanoa ai ile aufaigaluega.

Ua maea ona talulimaina e le matagaluega o leoleo lenei tagi ini faiga na faatinoina ele Alii Ofisa Sili ole ofisa o Turisi i tagata faigaluega.

E pei ona faamaonia mai ise faamatalaga tusia ale oloo tagi, ole tausaga 2021 ile masina Tesema aso 28 na tula'i mai ai lea tulaga ma agai ai loa se tasi o tagata faigaluega ma faaulu atu le tagi ile matagaluega o leoleo.

O le masina ua tuana'i na agiga ai fo’i ni tusi o tagi a tagata faigaluega e faasaga lava ile alii pule ini gaioiga ma upu lafo i tagata faigaluega, aemaise ole faaaogaina ai o meatotino ma aseta ale malo i ana galuega pationo atoa ai male faafaigaluegaina o tagata faigaluega ale ofisa o turisi e faia ana ia lava galuega.

Na saunoa le alii Minisita ole Matagaluega ilena masina ina ua manu le tala lenei, olea tagatagai iai le matagaluega i nei mataupu.

O Faamatuainu e faamaeaina ile tausaga lenei lana konekarate molana uluai paea'iga.