Faaipoipo Se Tasi O Sui O Le Toa Samoa

Moesha Ma Brian To’o

Ata Pueina : Coconet

O le Aso Tofi o le vaiaso nei na tuufaatasia ai i le sakalameta paia o le faaipoipoga se tasi o fetu o le Toa Samoa ia Brian To'o ma le tamaitai o Moesha Crichton-Ropati. 

O lea faamoemoe na molimauina e nisi fo'i e taaalo faatasi ma To'o i le au o le Penrith Panthers e pei o Nathan Cleary,Dylan Edwards, Matt Eisenhuth ma le faiaoga o le Panthers ia Ivan Cleary. O le alii ia Stephen Crichton ma Sunia Turuvawere na i le laina o uo ma aumeamamae a le alii o To'o, ae uo sili ai Jarome Luai.

Na taua e Moesha e luga o le Channel 9 News a Ausetalia, "na te le'i iloa o le savali atu o To'o agai i le vaega o le falematamata o le Suncorp Stadium sa iai ina ua uma le suegasiamupini, o le a fesiligia o ia e To'o pe fia avea ma ana manamea."

Nisi o sui o le au a le Penrith Panthers ma le Toa Samoa na auai i le laina o aumeamamae a To'o

Ata Pueina: Coconet

Ua silia ma le valu tausaga talu ona fetaui To'o ma Moesha, ma e lua tausaga sa feoa'i ai i laua ae o lea ua faapaiaina.

Na saunoa mai foi To'o, ua matuai faatumulia o ia i le loto fiafia ona ua mafai ona amata le isi laasaga fou o lona olaga faatasi ma le tamaitai o Moesha.

Na faateia Moesha ina ua fesili atu To'o ia te ia pe fia mafuta ia te ia

Ata Pueina: Getty Image

"Na ou iloa i le taimi muamua na ou vaai ai ia te ia (Moesha), na ou iloa ou te fia avea o ia ma ou toalua. Ma oute lei popole foi i le taimi na ou fesili ai ia te ia pe fia faaipoipo mai ia te au."