FA'ILAGI LE FOLAUGA LE SUSUSGA IA REV.FALEVI PETANA

Rev. Falevi Petana and Faletua Pelenatete Amosa Petana

Ata Pueina: Tuuina mai

Ua fa'ilagi nei le folauga o le Sususga ia Rev. Falevi Petana lea sa avea ma ta kitara bass o le band o le Punialavaa. O le masina nei ua
fuafuaina e teu ai lona tino maliu. A'o le tausaga nei fo'i na tu'u e atoa ai le 60 o ona tausaga.

I se fa'asalalauga na tuuina i luga o le Facebook a le Punialavaa, na fa'ailoa ai se tala'aga pu'upu'u o le Sususga ia Rev. Falevi ma lona
taimi i le aufaipese lauiloa. Sa tu'uina lenei fa'asalalauga i luga o le upega tafa'ilagi i le Aso lona 4 o le masina nei (Aso 4 o Ianuari
2023)

"O le a manatua pea oe ma lau taleni e lo tatou aiga Punialava’a. Rest in Peace Rev. Falevi Petana" se tasi o tala na tu'uina i lea
fa'asalalauga , ma o loo tuuina ai  ma se ata tuai o le Susga ia Rev.Falevi Petana ma nisi o sui o le Punialavaa i lea taimi.

Sa fa'alia le to'atele o nisi o aiga, uo ma e masani na faaali o latou faamaisega i le Susuga ia Rev Falevi Petana , o feau momoli ma
alofa'aga mo le aiga o lenei tagata ua iloga lona ola tautua i toton u o le taleni o le pese ma le musika.

O le Sususga ia Rev Falevi Petana sa fanau o ia le tausaga 14 o Oketopa , ae sa auai i le Punialavaa le tasuaga e 1981. Na ulufale
fa'atasi mai Vini ma Falevi i le Punialava'a, i le 1981. O le tausaga fo'i lea, na fanau ai Viellani. Nisi o molimau a le au musika a le
Punialavaa.

"O le tausaga lea na ta'ape ai le Punialava'a. A’o sauni Lale ma Vini & Viellani, e a'e i Malua i le 1982. Ua alu Lila fai lana aufaipese o
le Papa Soifua, ua alu Papu i Hawai'i, ua o fo’i Vitale ma Levingi i Niu Sila.Na o lava Lale ma Vini i Tutuila e pu'e pese ia Jr Scanlan,
ma 'ave Falevi & Viellani i le 1981 & 1982" nisi o molimau na tuuina i luga o le Facebook.

I se fa'atalatalanoa o le leitio o le Eye Spy Radio ma le tina faavauvau , le Faletua ia Pelenatete Amosa Petana sa ia fa'ailoa o le
Susuga ia Falevi Petana o se tama alofa ma le agalelei tele. Na fa'alia fo'i le misia o lenei aiga i le motusia ai o le latou mafutaga
ma le tama.

O le Sususga ia Falevi ma le faletua ia Pelenatete sa galulue i le Ekalesia o le Afio'aga o Maota i Taufua i le motu tele o Salafai mo le
ono tausaga. I le la faigamalologa masani na faateia ai le aiga ina ua folau faafusei le faigamalaga le Susuga ia Rev. Falevi Petana.

Manuia lau faigamalaga lau Susuga le Faifeau.