MALIU SE TAMA E 55 ONA TAUSAGA I FAGAFAU

Fagafau Savaii

Ata Pueina: Samoa Police

O le tino maliu o se alii e iai le talitonuga o lana taavale na pau i lalo o le papa i le afioaga o Fagafau lea ua toe mauaina mai. O le
'aumaga o le afioaga o Fagafau na o latou toe fa'afoiina mai le tino o lenei alii i se galuega fesoasoani ma le mao'ae tele lava.

I se vitio (video) na pueina e se sui o lenei aumaga sa ave i luga o upega tafa'ilagi na faaalia ai e toafitu ni alii sa o latou savalia
lalo o le mako matautia. Sa fa'alia se tasi mai lea afioaga e leai ni tagata faapitoa e faatinoina ia ituaiga faalavelave po'o (first
responders) mo le latou nu'u.

Ua silafia e le aumaga o le nuu le vaaiga i fafo o le nuu,le pe eleele poo le sua mai o le tai, ae ona o lea faalavelave matautia i le
Tausaga Fou lea na pau ai le taavale a se alii e 55 tausaga le matua i luga o le papa, na o le pau lea o le vaega o le aumaga a Fagafau ua mautinoa e folau i laufanua ma toe maua le tino o le alii ua maliu e suafa ia Pologa Tuipeā.

Sa fa'aali pea le faafetaia i le Afioga le Sui Komesina o Leoleo ia Monalisa Ti'ai Keti i le auaunaga ma le galuega fesoasoani o nei alii.
Ua faafetaia nei o lona afioga nei alii aua ana le seanoa i latou loto toa ma le galue malosi e pei nei e fa'afaigata ona aumaia le tino
maliu o le alii ia Tasi.

I le taumafaiga a le aumaga o faapea ona ta'ua i lenei viteo (video) o lo'o fa'aalia ai ni maea se lua o lo'o fa'aaogaina e si'i ai le ua
maliu ma o loo iloa atu ai tua le taavale ua malepelepe ma o loo poloka mai e la'au.

E le o manino mai pe na faapefea ona pa’u i lalo le ta’avale i luga o le papa i autafa o le auala, peita’i, na lipotia mai e le itiiti ifo
ma le tolu aso na leiloa ai lea alii a'o lea faatoa maua. O lo'o fa'aauau pea suesue o alii ma tamaita'i leoleo ina ia tausailia poo le
a le mafuaaga tonu o lenei faalavelave. Ma ua tuufesiliga le to'atele o tagata i luga o le Facebook pe na fa'asuava le ua maliu. Tali mai le
Sui Komesina e le'i ma'ea su'esu'ega o lenei fa'alavelave.

O loʻo faʻalogoina le leo o le o loo pu'eina le vitio o faʻamalosia'u i le aumaga ma taumafai e taʻitaʻia i latou i ni vaega manino i luga.

Fai mai a ia, o se vaega o la latou matafaioi o le puipuia o le nuu, afai e tupu se mea i totonu o le nuu, o le latou matafaioi o le ave
lea o le matafaioi autu e fesoasoani ai i pulega.

“E leai ma se tasi o fuimu poo se leoleo, leai ma se isi, ua na o le tutu ma matamata mai lugā, ae o loo migoi pea nai uso nei..”nisi o
famatalaga o le alii o lo'o pueina le viteo.

O Tasi Pologa Tuipeā, 55 tausaga le matua o Asau ma Samata-Tai, na tuua lona aiga i Asau i le Aso Lulu 28 Tesema 2022 ma na toe vaaia i
le taeao o le Aso Tofi i Samata-tai.

Na lipotia mai e le aiga o Tuipeā ua misi o ia ma na tuuina atu e Leoleo se faasilasilaga o Tagata ua Misi i le Aso Tofi na tea nei 29
Tesema. Peitai o le aso o le Tausaga Fou na maua ai ma faamaonia mai e Leoleo, o lana Toyota Fortuner Numera 11741 na se’e ese mai le papa i
Fagafau.

Ua manatua ai Tuipeā o se tagata loto maulalo e fesoasoani ia i latou sa ia fetaui i matafaioi eseese sa ia umia i le Malo ma le Faletupe o
Atina’e.