Nofo Taofia Suliveta Slade E Faatali ai Le Lauina O Lona Faamasinoga
Suliveta Slade
Ata Pueina: Eyespy Radio
Ua taofia nei e Leoleo se tasi o alii talavou ua lauiloa lona ata i luga upega tafa'ilagi i lona fa'afoeina lea o se kololii faatau i le Aso Toona'i ua mavae. Sa tula'i o ia i le fa'amasinoga i le Aso Lulu o le vaiaso nei e tali i ni moliaga tuai sa su'esu'eina ai o ia e le Ofisa o Leoleo.
I se fa'atalatalanoaga a le au tusitala ma le sui Komesina lagolago ia Leitaua Samuelu Afamasaga, ua fa'amaonia nei o Suliveta Slade sa iai nisi o ana moliaga tuai e fasaga ia te ia.
"O le alii talavou nei sa iai nisi o ana moliaga tuai , o le ala lea sa fa'apea ona aumaia ai i lalo o le matou va'ava'aiga" saunoa ai le Komesina lagolago.
Na amatalia le solo ta'avale o lo'o fa'aaogaina e Suliveta Slade se kololi la'u oloa e faalealea ai le fu'a o Samoa, ma o lo'o i lalo nei va'avaaiga a le Matagaluega o Leoleo lenei alo o Samoa e tali i ona moliaga i le Aso Lulu, 09 Novema 2022 i ona moliaga soli tulafono.
E 17 tausaga le ua molia ma ia tonu lea na fetosoa'i lana tololi i le taulaga ao fa'atinoina le solo ta'avale a le mamalu lautele o le atunu'u. i se vitio (video) na fa'ailo mai i luga o le upega tafa'ilagi na toso ai e alii malu o le malo lenei alii ma molimoli i le Ofisa o Leoleo ma sa taofia ai o ia e fa'asaga i ona moliaga talu mai ona sailia e leoleo i ana soli-tulafono ma e lei tula'i lava lenei alii talu mai ana fa'amasinoga muamua.
I le aoauli o le Aso Lulu sa fa'atautaia ai le fonotaga a le Matagaluega o Leoleo ma le au tusitala, na ta'ita'ia lea fonotaga taua e le komesiga lagolago, Leiataua Samuelu Afamasaga, o lenei alii talavou e tele ana soli-tulafono muamua ma ua ave seseina e nisi o tagatanu'u o Samoa o le solo ta'avale ua mafua ai ona molia ai lenei talavou, ae peita'i o nisi o ana moliaga o solitulafono tuai.
"O lenei talavou sa iai ana fa'amasinoga talu ai ae e le'i auai ai lenei alii e tali i ona moliaga," taua e Leiataua
Na taua e Leiataua, o Suliveta e lei tula'i lava i ana fa'amasinoga talu sa faapea ona valaauina ai o ia ma e lei mauaina e le ofisa mamalu o leoleo lenei talavou talu mai ana fa'amasinoga muamua.
O lenei alii sa maua e leoleo ma pueina loa i le maea ai o le solo ta'avale a le atunu'u i le afiafi o le Aso Toanai,
"O le solitulafono o lenei talavou o le a toe fa'aauauina i le masina fou i le aso 14," taua e le Komesina lagolago Leiataua Samuelu Afamasaga.
I le aso Lulu na auai atu ai lenei alii mo lana fa'amasinoga, i se ata na tu'uina i luga o upega tafa'ilagi ma o lo'o silamio ai le lagolagi, sa fa'atasi atu ai lona tina ia Salome ma lona aiga e molimauina le tula'i ai o lenei alii i lana ulua'i fa'amasinoga. Ua tu'uina atu lenei alii talavou i Tanugamalala e talitalaia ai le isi fa'amasinoga e fa'asaga ia te ia.