Ua Faatagaina Junior Paulo e taalo ile Final ole Ipu ole Lalolagi Mo Le Lakapi Liki

kapiteni ole Toa Samoa ia Junior Paulo.

Ata Pueina: R.L.W.C

Ua toe maua nei e le ali'i kapiteni ole Toa Samoa ia Junior Paulo le avanoa e ta'alo ai ile suega siamupini ma le au malosi a Ausetalia ile fa'ai'uga ole vaiaso nei. 

Ae e le'i ta'aalo Egelani ma Samoa, sa amia muamua Junior Paulo e tali lea is se aga le talafeagai sa ia fa'atino a'o ta'aalo ai Samoa ma le Mate Ma'a Toga i le la quarterfinal i nai vaiaso ua mavae. Sa faamanuiaina le apili a Junior Paulo, ma o lea na ia maua ai le avanoa e ta'alo ai ile semi-final ma Egelani

Ae I le mae'a ai ole taaloga matai'na i le va ole Toa Samoa ma Egelani i le Aso Sa ua tuana'i, sa toe amia ai fo'i le ali'i o Junior Paulo e tali i se pu'e leaga sa ia faia i le ali'i o Tom Burgess mai i le au a Egelani, lea sa tuli ai o ia tua mo le 10-minute a'o faagasolo ai lea ta'aloga.

Sa fa'apopoleina Paulo fa'apea le 'au a Samoa 'ao talia ai po'o le a se fa'aiuga o le a ono tu'uina mai e le Laulau ole Iuni Lakapi Liki ole Lalolagi. Peita'i, na fa'ailoa mai e le Laulau ole Iuni Lakapi Liki, ua na o se lapata'iga o le a tu'uina atu ile ali'i kapiteni o le Toa Samoa.

O lea fa'aiuga sa faia e le Laulau ina ua talosaga le ali'i o Tom Burgess e fa'amagalo Junior Paulo ona e le'i iai sona afaina mai i lea pu'e leaga.  Sa fautuaina fo'i le Laulau e le faia'oga a le 'au a Egelani ia Shaun Wane, e fa'ata'alo pea Junior Paulo e ui na faia'ina Egelani ile Toa Samoa.

Sa lapata'ia foi le foueti (forward) a le Toa Samoa ia Royce Hunt, lea sa la pu'ea fa'atasi ma Junior Paulo le ali'i o Tom Burgess.