Toalima Sui O Le Toa Ua Filifilia I Le "Au o le Lalolagi "

Toa Samoa

Ata Pueina: R.L.W.C

E toalima tama taaalo mai i le au a le atunuu ua saofaga atu nei i totonu o le au ua ta'ua o le Team of the Tournament, O lea 'au o lo'o filifilia mai i tama taaalo mai i au sa auai i le Ipu o le Lalolagi mo lenei tausaga. O nei sui o le Toa sa filifilia i totonu o lea au e le Laulau o le Taamilosaga. O lea faaiuga sa faia e sui o le laulau le aofi ai le peresetene ia Troy Grant, le sui failautusi ia Neil Wood, ma nisi sui o le laulau.

O le Toa Samoa e toatele ai lava ona sui i totonu o le au o le taamilosaga, e aofia ai le alii kapiteni ia Junior Paulo, Jarome Luai, Stephen Crichton, Brian To'o ma Tim Lafai lea sa mata'ina lana taalo i le taaloga semifinal ma Egelani i le Aso Sa ua mavae.

E toafa sui ma i le au a Ausetalia, o loo tofia foi i totonu o lea au, e lavea ai Josh Addo-Car, Cameron Murray, Liam Martin ma Harry Grant.

O nisi o i latou ua filifilia mo le au autu o le taamilosaga, o le alii ia Joseph Manu mai i le au a Niu Sila, Tom Burgess ma George Williams mai Egelani, Edwin Ipape mai Papua,Victor Radley mai Egelani, Sunia Turuva mai Fiti, Keaon Kolomatangi mai Toga, ma James Fisher-Harris mai Niu Sila.

I se pepa o faamatalaga mai i le Ofisa Sili o loo faafoea le Ipu o le Lalolagi, le susuga ia Jon Dutton, na ia taua ai le tulaga mataina ua iai nei au uma o loo auai i le Ipu o le Lalolagi. E le gata oa au a alii, ao au foi a tamaitai.

Na ia taua foi o le filifilia o se tama taalo i totonu o lea au, o se miti mo le toatele o i latou o loo taaalo i le Ipu o le Laloagi. Ma ose pine faamu foi mo le maualuga o le tulaga ua oo iai taumafaiga ane sui taaalo.