O Gabrielle o le afa aupito i matautia ua afea Niu Sila i lenei Seneturi: Ali'i Palemia

Ata Pueina: CNN

Ua saunoa mai le ali'i Palemia o le Mālō o Niu Sila ia Chris Hipkins, "O le afā o Gabrielle o se tasi o mala fa'alenatura aupito i sili ona māta'utia ua vaaia i lenei seneturi.

"Ua iloga fo'i ona ogaoga ma leaga ona a'afiaga e pei ona va'aia ai nei i luga o televise ma ala o fa'asalalauga. Fa'ato'ā va'aia lea e le augatupulaga o lo'o iai nei se afā malosi e pei o Gabrielle."

Na ia tā'ua fo'i e lē o iloa tonu pe sili atu ona ogaogā a'afiaga o lea afa nai lo'o le tūlaga o lo'o ua va'aia nei.

"E tusa ma le 2,500 tagata ua faaleagaina o latou fale ona o ea mala," o se saunoaga le na fai mai ai le aufaigaluega o le ofisa o faalavelave tutupu faafuasei i le aoauli o le Aso Lua o le vaiaso nei.

"Ae o lena numera e ono suia ma faatuputupulaia, ona o loʻo i ai pea vaega tetele e lē o mafai ona oʻo atu iai le aufaigaluega laveai ona ua motusia uaea ma auala o fesoʻotaʻiga i ia pito matou te lei mafai ona asia."

O lo'o vaaia i luga o upega tafailagi le toatele o taga o lo'o talotalo ma momoli alofaaga mo i latou ua maliliu ma ua puapuagatia ona o le saua o le afa o Gabrielle.