Faipaaga Le Malo O Samoa Ma Saanapu E Tape Le Manu Ainiu

Ata Pueina: M.A.F

O le atina'eina o fua o fa'atoaga, o se tasi o galuega tupito a le Matagaluega o Fa'atoaga ma Faigafaiva.

O lo'o fa'aauau ai pea galuega o le tineia o manu ainiu o lo'o a'afia ai pea le tamaoaiga o le atunu'u e maua mai i fua o niu.

I se faasalalauga i luga o upega tafaiolagi poo le itulau Facebook a le Malo o Samoa, e faapea o le manu ainiu, ua avea o se manu fa'alafuā, o lo'o fa'aleagaina le ola lelei o fa'atoaga niu.

I ana galuega fa'aauau mo le tineia o le manu ainiu, na fa'atino ai se galuega mo le aoina o le manu ai niu e le Vaega o Laau Toto ma le afioaga o Saanapu. Na talia lelei e le afioaga lenei galuega taua ma maua ai le avanoa e galulue fa'atasi ai ma le matagaluega.

E fa'afetai ai pea e le Matagaluega le lagolago fa'aauau a nuu ma afioaga, i sui mamalu o "Alii ma Faipule" fa'apea le au fai fa'atoaga mo le lagolagoina o taumafaiga a le tatou Matagaluega.

E fautuaina pea e le Matagaluega le lagolagosua a ana paaga aemaise le aufaifa'atoaga ina ia fa'aauau pea le tatou galulue fa'atasi i auala e atiae ai fa'atoaga aua le tamaoaiga o aiga ma le atunu'u.

O lo'o avanoa le tatou ofisa mo so'o se fa'afesili e uiga i auala ma puipuiga mo fa’atoaga.