AMATALIA POLOKETI A LE ITUMALO O FALEATA NO 2

Ata Pueina : Facebook / Latinu'u Wayne So'oilalo

E $475,000 se aofaiga tupe na faamatuu e le itumalo o Faleata No.2 i lalo o le poloketi Tasi Miliona mo le atina'eina lea o nuu ma afioaga.

O le afio'aga o Vaiusu na faasafua ai se vaega tele o lenei seleni lea e faapea e  $300,000 le aofa'iga o loo patino mo le faatauina o oloa
faigaluega mo le atina'eina lea o faifaato'aga ma si'osi'omaga.

O le aso Faraile o le vaiaso ua mavae na feiloa’i ai sui mai afioaga e tolu o Vaigaga, Vaiusu ma Tulaele ma sui o le Komiti a le Iitumalo ,
ma faatalatalanoaina ai loa auala e aga’i i luma ma atina’e ua pasia i le aofa’i o lo o talosagaina. Sa vaevaeina foi e le Komiti le ta'i $100,000 e patino i mea faigaluega.

E tusa ai ma se saunoaga mai le teutupe o le Komiti o le Itumalo o Faleata , o le faasologa o lenei poloketi e tuu le avanoa i nisi o afioaga ua taua ma sui taitasi mai le itumalo e tuuina atu o latou tusi talosaga mo se atina'e ua o latou silafia e tatau ona faia.

e tusa ai ma talosaga ua uma ona tuuina mo le Komiti mo o le poloketi $1 miliona, ua talia ai nei le talosaga a Vaiusu ma ua faasafua ai iai le $300,000 , mo le afio'aga o Vaigaga e $112,073 ma o le Au Talavou o le Tulaele EFKS e $50,000 le aofa'imo le atou poloketi.

O talosaga foi e  tatau ona auiliiliina ma vaavaai totoa iai le Komiti , a le faamalieina le talosaga o lea saili e le Komiti faleoloa o loo maua ai oloa mo le poloketi mo afio'aga na talosaga atu. Ae e faapea e le tuuina le tupe i le lima o le sa ave i totonu lana talosaga.