Talaina 2% MULIMULI MO LENEI TAUSAGA : N.P.F

N.P.F ChieF Executive Officer Pauli Prince Suhren

Ata Pueina : EyeSpy Radio / Anetone Sagaga

Ua fa'ailoa mai nei e le ofisa o le N.P.F o lea fa'asafua i tua i le
mamalu o le atunu'u le 2.0 % mulimuli mo le au faisaofaga o lenei
tausaga 2022. O le masina fou e faapea o lea fa'atinoina lenei vaega
mo le mamalu o le atunu'u.

I se fa'asilasilaga fa'alauaitele mai le Ofisa Faisaofaga , e faapea o
le faatinoina o lenei nonogatupe , ua na'o le upegatafa'ilagi
(internet) e mafai ona fa'agasolo ai tulaga ma nei vaega. E fa'apea
ua na'o le upegatafa'ilagi po'o le (internet), o lo'o iai aiaiga e
mafai ona fa'aauala ai le faagasologa o le nonogatupe o le
aufaisaofaga.

O le aso Tofi o le vaiaso fou , Aso 1 o Tesema lea ua fuafuaina ai e
le matagaluega e amatlia ai le fa'atinoina o lenei nonogatupe , ae o
le a faai'uina lenei tulaga i le aso Lulu le 23 o Tesema 2022.

O le fa'atinoina o lenei vaega , o le a mo'omia e le aufaisaofaga ona
fa'agaoina le latou "account" lea ua uma ona resitalaina i le
upegatafa'ilagi o le Ofisa o le NPF. Ua fa'ailoa mai fo'i e le mafai
lava ona maua lau seleni pea le ui i aiaiga lea ua uma ona
polokalameina luga o le latou upegatafa'ilagi. Afai e le'i lesitalaina
pe ua le manatua fo'i le "password" o le account , e mafai lava ona
aga'i sa'o le Ofisa o le NPF e toe auiliili ai lau mataupu.

E lima masina na va ai le fa'asafuaina mai tua o nei pasene faisaofaga
, e fa'apea o le masina o Iulai lea na gata ai le fa'atinoina o nei
meaalofa o le malo mo le mamalu o le atunu'u.

Mo nisi o le aufaisaofaga o lea le mauaina lenei nonotupe e faaoga ai
le upegatafailagi o lea tului sa'o lava le 2.0% i totonu o lona
faisaofaga.