Toatasi Le Suiga I Le Manu Samoa Taitoafitu Mo Le Taamilosaga I Hamilton

Vaafauese Apelu-Maliko

Ata Pueina: Getty Image

Ua fa'ailoa aloa'ia e le Faia'oga Ulu o le au taitoafitu a le atunu'u ia Muliagatele Brian Limā i latou e 14 ua IA filifilia mo vae o le Taamilosaga Taitoafitu a le Lalolagi o lo'o loma nei i Hamilton i NIu Sila ma Sini i Ausetalia.

O lo'o faatumauina e le Faiaoga Ulu le au lava lea e tasi na malaga atu i Aferika i Saute ma toe foi mai ma le Ipu o le Siamupini, vagana ai le ali'i kapeteni ia Melani Matavao na misia le vae i Cape Town ona sa fa'amanu'alia, ae fa'amalolo ai Pelosi Taupo na sui atu ia Meilani ina ua lavea.

O foueti po'o le laina e pito i luma a le Manu ua toe filifilia ai Uaina Sione, ma sui kapeteni ia Vaovasa Afa-Su'a ma Vaafauese Apelu-Maliko, fa'apea Motu Opetai ma Taunu'u Niulevaea lea e faamanatuina foi lona aso soifua i le aso muamua o le taamilosaga i Hamilton. O Levi Milford e atoa iai le toano pito i luma (forwards) a le au taitoafitu a Samoa.

O le laina pito i tua (backs) e aofia ai Melani Matavao, Steve Onosai, fa'apea ai ma Paul Scanlan ua manuia mai i ona manuaga i le vae sa faia i Cape Town i le faaiuga o le tausaga ua mavae. 

O uigi filifilia a le Manu o lo'o tumau ai Tuna Tuitama ma Owen Niue. O Fa'afo'i Falaniko o loo i totonu foi o le au, faapea ai Paul Slater ma Neueli Leitufia mai Lauli'i. O le taimi nei o lo'o tulaga muamua Samoa i le faatulagaga o loo iai nei a le Taamilosaga Taitofitu a le Lalolagi.

O Samoa o le a taaalo ma le au malosi a Fiti, Farani, ma Kenya lea ua faia'oga ai Damien Mcgrath sa avea fo'i ma faia'oga muamua a le Manu Samoa Taitoafitu ae na faamavae i le 2016.