14 Seila Samoa O Le A Malaga Mai I Luga O Le MSC Poesia

MSC Poesia

Ata Pueina: MSC Poesia

Ua fa’amaonia mai e le Samoa Shipping Services e to’a 14 seila Samoa o lo’o faigaluega i le MSC Poesia lea o le a taula i le Uafu i Apia i le Aso Lulu 18 Fepuari 2023.

Fausia i le 2008 ma toe fa'afouina talu ai nei i le 2021, o le MSC Poesia o lo'o i ai nei i le Ta'amilosaga a le Lalolagi lea o le a asia ai e lea va'a le 53 nofoaga i le 119 aso.

O le va'ameli o le MSC Poesia e o'o atu le aofaʻia o Potu I Le 1,275 staterooms mo le 2,550 pasese (ae o loʻo taʻua o le pasese e gafatia e le va'a e 3,060).O seila Samoa e to'a 14 o lo'o aofia i totonu o le aufaigaluega e 1,040 o loo tautuaina le va'a folau.

O potu o le va'a e fa'aonaponei ma ua mae'a ona fa'apipi'iina ai i totonu le faleta'ele, TV, telefoni, minibar, faapea nisi tulaga mo le saogalemu.

O le telē o nei potu tusa ma le 13 sikuea mita, o le pito i fafo e tusa ma le 16 sikuea mita.

O fale faapaologa ua uma ona fuaina le 17 sikuea mita ma o potu talimalo e 31 sikuea mita. O suites uma foi e tofu uma ma faletaele faaonaponei.