TULAI EDWARD FANUELI I LE FAAMASINOGA

Edward Brian Fanueli

Ata Pueina: Google Image

Ua tula'i nei le alii ia Edward Brian Fanueli mo lana faamasinoga muamua , e ala lea i se mataupu na tula'i mai i le aso 24 o Tesema o
le tausaga ua mavae. O lea mataupu e faapea na faaooina ai e Edward le oti i le tamaita'i leoleo ia Mele Segisolo Lapana.

O le ua molia (Edward) o lo'o i lalo lava o le vaavaaiga o leoleo talu mai le masina o Tesema i le tausaga ua mavae. Ma o le Afioga
ia Leiataualesa Jerry Brunt o lo'o avea ma loia o le ua molia, ae o loo tulai le Afioga loia ia Fuifui Ioane mo le aiga o Mele Lapana.

Sa fa'ailoa e le alii loia ia Leiataualesa i totonu o le potu faamasino o loo loma nei se tusi talosaga ina ia tatala ai tua le alii
ia Edward Brian Fanueli.  Ae peita'i sa talosaga le Afioga ia Fuifui ina ia tolopoina le mataupu , sei mautu lelei nisi moliaga ma
faamaumauga o lenei mataupu.

Na talia e le Afioga le Faamasino ia Justice Fepuleai Ameperosa le talosaga o le tagi 9 prosecution) ma ua toe tolopoina ai nei le
mataupu a Edward mo le Aso Gafua o le vaiaso fou e talia nisi faamaumauga fou ma tapa ai le tusi talosaga mai le itu agai (
defence).

O le ua molia sa faapea ona ua faaogaina se upega malosi (fana) e faaoo ai le maliu i le tamaitai leoleo ia Mele Lapana. E tusa ai ma
lipoti mai le ofisa o Leoleo e faapea o lenei faalavelave na tupu ao faia se inuga  i vaitaimi o Aso Fiafia.

E tusa ai ma nisi o lipoti mai le Sui Komesina o Leoleo , Papalii Monalisa Tiai-Keti e faapea o lenei faalavelave na logoina le Ofisa
Leoleo i le vaveao (2am) o le Aso Toonai 24 o Tesema 2022. O le aso malolo lea o le ua maliu. Ua atoa ai nei le tolu o mataupu fasioti
tagata ua lipotia mo le masina o Tesema e tusa ai ma faamaumauga mai le Ofisa o Leoleo Samoa.