44 TAUSAGA O SE TAMA SAMOA UA MALIU I AUSETALIA

Talitiga Taupau

Ata Pueina: Fili Taupau / Facebook

Ua maliu se tama Samoa Sa ia taumafai e sefe ia ola o ni tagata se to'alua lea sa faapea ona malelemo i le matāfaga o Shelly Beach i Ausetalia. 

O le Aso Toonai na mavae atu nei sa lipotia ai se tama Samoa ua maliu ina ua ia taumafai e sefe le ola o ni tagata to'alua na malelemo i le sami.

Tusa ai ma lipoti mai le 9 News  sa faapea o le tāma ia Talitiga Taupau sa ofoina lona ola ina ia sefeina ai nei tagata e to'alua. O se tasi o alii na malemo e 20 ona tausaga ma sa mafai ona toe oo mai i le lauele'ele ae tumau ai pea le tama ia Talitiga ma leisi tagata. Sa faatino se galuega lapata'i ina ia toe aumai ai i laua nei , ae peitai ina toe fo'i mai i laufanua i laua nei sa faapea ona faailoa ua uma le ola o le tama ia Taupa'ū ae taofia leisi tagata i le falema'i.

I lipoti e faapea ua atoa ai nei ii le 14 o tagata ua malelemo i lenei matafaga talu mai Tesema 1 2022. 

O le tamā ia Talitiga Taupau e to'a 6 lana fanau , ma e sefulu ma le ono le aofaiga o le latou fanauga. I nisi o tala , e faapea o le alii lakapi liki lauiloa ia Martyn Taupau lea e faapea o lona tua'a (uncle) ia le tama ia Talitiga.

Sa faalia le faanoanoa tele o le alii ia Martyn i le maliu faafuasei o si ona tua'a. Faapea le alii lakapi o lona tua'a o se TOA moni ona o lona taumafai e fai se galuega e sefe ai le ola o seisi tagata ola. 

O loo faagasolo nei suesuega a leoleo i Ausetalia e suesueina ai le ala tonu o lenei faalavelave ma le mafua'aga.