Ua Maliu Nei Se Alo E Lua Ona Tausaga I Le Afa O Gabrielle

Le Afa O Gabrielle  Ua Aafia Ai Nei Niu Sila

Ata Pueina: Warren Buckland

O lo'o mafatia nei se ulugalii o loo aumau i Hawke's Bay i Niu Sila ona o le maliu o le la tama teine 2 tausaga ,mafua mai i lologa sa feagai ai. Ua oo atu nei le numera o tagata maliliu i le to'afitu.

O le alualutoto ua maliu lea e suafa ia Ivy Collins sa maua famatalaga na tafea i se vai ao taumafai ona matua , aemaise lona tina o loo feagai ma maitaga (ma'i to) e lavea'i o ia aemaise le ola o lona maitaga.

Sa talanoa se tasi o tua'a o Ivy i le nusipepa faasalalau o le Herald sa fa'ateia le latou fale i le sao atu o le vai ao latou momoe i le 3am i le vaveao o le Aso Lua i le vaiaso nei.

“E leai se upu e mafai ona ta’u atu ai lo matou faanoanoa i le toesea o si ou lalelei lalelei e lua tausaga o Ivy na aveesea mai lou aiga i le afa talu ai nei i Niu Sila,” o le faitauga lea o le itulau.

O matua o Ivy Collins , lona tama ia Jack Collins ma si ona tina maitaga ia Ella Collins sa faapea ona taumafai e vave o ese mai totonu o le latou fale , ae paga lea ua malosi tele le lologa ae o loo taumafai ona matua e lavea'i le latou.

O le le ola o le eletise ma le pogisa o lena vaveao sa faapea ona faafaigata ai i le ulugalii ona lavea'i le ola o si o la afafine , faatasi ai ma le malosi o lologa ua atili ai ona faafaigata le mataupu.

Sa maua e le au lavea'i o galuega faafuase'i le tino maliu o Ivy ma o loo iai nei i aao o le au foma'i. Ua atoa nei ii le to'a fitu o tagata ua faamaonia ua maliliu , o loo faatino pea galuega lavea'i ma su'esu'e i nofoaga na aafia i le Afa o Gabrielle.