FA'AILOA SUAFA O SUI O LE 'AU TAITOAFITU MO LE TAAMILOSAGA I LOS ANGELES MA VANCOUVER

Ata Pueina : Manu Samoa 7s

Ua faailoa mai nei e le faiaoga o le Manu Samoa 7 ia Muliagatele Brian Limana le 'au filifilia o le a fai ma sui o Samoa i le taamilosaga taitoa fitu i taamilosaga lakapi taito'afitu lea e faatautaia i Los Angeles ma Vancouver mo lenei tausaga.

O le ta’amilosaga ta’ito’a fitu i Los Angeles lea ua fa’amoemoe e amatalia  le ta’amilosaga mo le lua aso mai le aso 25 i le aso 26 o le masina nei i totonu o laufanua o Amerika. Ae mo le taamilosaga taito'afitu i Vancouver i totonu o laufanua o Kanata(Canada) o le a amatalia i le masina fou mo le 3 aso mai le aso 3 i le aso 5 o Mati.

I se faasilasilaga mai le Lakapi Samoa i le Aso Gafua o le vaiaso nei, e to'a 14 tama ta'a'alo ma sui o le pulega e to'a 4 o le a taulamua i le faalealeaina lea o le gatavai o Samoa i se tasi o taamilosaga tele i totonu o  Amerika ma Kanata.

O suafa oi latou ua faamanuiaina mo lenei taamilosaga e aofia ai:
-Vaafauese Apelu Maliko (CC)
-Vaovasa Afa Su'a (CC)
-Melanie Matavao (CC)
-Paul Eti Slater
-Neueli Leitufia
-Motu Opetai
-Owen Niue
-Paul Scanlan
-Malo Luteru
-Taunuu Niulevaea
-Faafoi Falaniko
-Tuna Tuitama
-BJ Lima
-Fuli Faafouina.

O le Faiaoga Lagolago ia Tausa Faamoe Faamaoni o le a fesoasoanii le Faiaoga Ta'itoafitu a le Manu Samoa ia Muliagatele Brian Lima faatasi ai ma Junior Narayan mo le vaega o le au su'esu'e (Analyst) ma le afioga ia Tuala Pat Leota lea e ta'ita'ia le au malaga.

O le alii ia Nathan Foulagi mai Aoteroa Niu Sila o le a malaga foi i lea malaga e fesoasoani ia i latou i le tele o tulaga mo tapenaga faafomai.

Manuia lava le faamoemoe Manu Samoa , o tou mama na.