Manumalo Lupe Ole Soaga Ia Veitongo 9-0

Lupe Ole Soaga

Ata Pueina : Lupe ole Soaga

Ua saofaga atu nei le au a le Lupe o le Soaga FC e taaalo ai ma le au mai i le Atu-Kuki o le Taupapa Maraerenga FC mo le sueina o le tulaga muamua o le taamilosaga o le OFC Champions League Qualifying Paly-Offs o loo faatautaia i Apia.

O le Taupapa Maraerenga FC na manumalo i le la taaloga ma le au o le Ilaoa & Toomata mai i Amerika Samoa e 8-0, ae o le Lupe Ole Soaga na fa'amo'amo'aina le au o le Veitongo FC mai i Toga e 9-0.

E ui ina timuga ma louloua le tau i le aso ananafi, ae e lei aafia ai le osofai malosi a le Lupe Ole Soaga lea na iloga ona lami i le au mai i Toga e 9-0.

O le manumalo ai o le Lupe Ole Soaga i le au o le Veitongo mai i Toga ua sao atu ai nei i le taaloga faitaulia o lea ta'amilosaga.

I le taaloga ma le Veitongo, na osofai malosi le Lupe mai i le amataga seia o'o ina maua se sala i totonu o le pusa mo se uluai ai.

O le ali'i o Jared Cuniff na sikoa muamua mo le Lupe 1-0. O Andrew Setefano na maua ai le sikoa lona lua ina ua ia uluina le polo i tua o le neti ma ma tulai mai ai ai i le 2-0. E tele nisi avanoa e ono maua ai nisi sikoa a le Lupe ae peitai sa lelei le puipuiga a le Kolokipa a le au a Veitongo ia Semisi Otukolo.

Peita'i, a'o le'i o'o i le malologa, na sikoa ai Cuniff i lana sikoa lona lua ma maua ai ai e 3-0. E toe o nai sekone ona ta lea o le malologa, na laasia ai e Taualai le sikoa lona fa 4-0.

Na to’a ifo timuga i le afa lona lua, ae sa malosi pea le naunau o Lupe e osofa’i, e ui na maua ai se avanoa lelei mo Veitongo ina ua latou sao ma le polo i le itu a le Lupe. O Michael Leo na maua ai le isi sikoa ma oo atu ai ai e 5-0.

O Soliai Letutusa na maua ai le sikoa lona ono ma le fitu a le Lupe ma tulai mai ai ai o le taaloga 7-0. O Harrison Bolton-Roberts na sekiina le sikoa a le alii o Darren Alatina-Talilai 8-0,, ae o le sikoa lona 9 na toe maua ina ua iai se gaioiga sese a Veitongo ma maua ai ai e 9-0.