Soli Tulafono Nisi O Fanau Aoga I Le Maketi I Savalalo
Maketi I Savalalo
Ata Pueina: Eyespy Radio / Anetone Sagaga
O le aoauli o le aso Faraile i le ta o le itula e lua na tula'i mai ai se fevesiaiga i le va o le Kolisi o Sagato Iosefo ma le Kolisi o Leifiifi.
Sa taua e se tasi o ali'i malu o le malo e le'i fia taua lona suafa, sa iai tonu i le taimi na tupu ai lea fe'ese'ese'aiga, "O lea vevesi sa amata mai i le maketi i Fugalei ae na faai'u i le faatali pasi o loo i le maketi i Savalalo."
Na taua foi e le ali'i leoleo, sa fai se tauaiga ma'a i le va o nei aoga e lua, ma sa umia foi e nisi mai ia kolisi ni agaese.
Na vave ona taunu'u atu malu ol e malo i Fugalei ma Savalalo ina ua logoina atu e le mamalu o le atunu'u e uiga i lea fevesiaiga.
E taunuu atu le Ofisa o Leoleo ua ta'ape i latou ia sa fa'atupuina le vevesi.
Sa taua foi e se tasi o ali'i sa molimauina lenei fa'alavelave, "Oute lei vaaia ni tamaiti o toso e leoleo, ae o lea vevesi sa tupu mai e fa'anoanoa tele ai le agaga ona o lo'o tapuai mai matua i aiga ao lea e ese le tulaga ua faatino e nei fanau aoga."