" O O'U LAVA TAGATA O LO'O FAITIO IA TE A'U" : TINO Fa'asuamaleaui
TINO Fa'asuamaleaui
Ata Pueina: R.L.W.C
Ua fa'aali nei le lē fiafia o se tasi o tama fanau o Samoa o lo'o faapea ona ta'alo i le 'au lakapi o le Australian Kangaroos ina ua faitioina e tagata lona lē ta'alo ai mo le 'au o le Toa Samoa.
O le ali'i ia Tino Fa'asuamaleaui lea e ta'alo i le tulaga o le prop mo le 'au o le Australian Kangaroos , lea fo'i sa ta'alo i le Ipu o le Lalolagi i le Lakapi Liki 2022 lea na mavae atu nei. Sa fa'alia e le alii lakapi se tasi o mataupu e fa'atatau lea i lona fa'asinomaga.
Sa fa'ailoa mai e Tino Fa'asuamaleaui sa iai ni tusitusiga oni faitioga mai nisi o tagata Samoa e faitioina ai le lē avea o ia ma ave fu'a o le au o le Toa Samoa ae auai i le a'u o Ausetalia.
"E tele lava lugā ma lalō o lenei vaiaso. Ae o le avea ai o a'u ma tagatānu'u o Samoa i le itū o si o'u tamā, e mitamita ai fo'i lo'u nei tagata i le tulaga ua ausia e Samoa i le latou faigāmalaga" , saunoa ai Tino Fa'asuamaleaui.
"Ae o le fa'afitāuli o nei mea uma , o le tu'ufesili o le to'atele o tagata o lo'o fesiligia ma faitioina pe aisea ua o'u ta'alo ai mo Ausetalia ae le'o Samoa. Pito sili ona fa'anoanoa ona o nei faitioga o lo'o mapuna mai lava i o'u tagatanu'u." i nisi o ana saunoaga.
Sa fa'ailoa e tino le tigā tele o nei faitioga ae pāgā le faigāta e le'i avea ma se mea e tolilaloina ai lona loto ma lona ta'alo i toe minute i le final o Ausetalia ma Toa Samoa.
"Sa o'u alu lava e fa'atino lo'u galuega ma le toto'a ma le mata ala e ui ina matuitui ma lo'u fa'anoanoa tele" saunoa ai Tino.
O le ali'i ia Tino o se alii afatasi , aua e tupuga mai i lona tamā Samoa , ma si ona tinā o le Austelia. O tua'ā o Tino e eseese fa'asinomaga ma ua avea ma se mafua'aga e fa'afaigāta ai lona faigāfilifiliga fa'atama fusu.
" Faigāta le fa'alogo atu e faimai tagata e le'o a'u o se Samoa māo'i ona oute le'o ta'alo mo le Toa Samoa" faasoa mai ai Tino.
O le alii ia Tino o le'ā fa'aauau pea ona ta'alo nei mo Ausetalia i nisi o tausaga oi luma. Ua fa'ailoa mai fo'i e ali'i o le pine fa'amau o lona olaga lakapi o le fa'atupulia.
E to'alua fo'i nisi alo Samoa o lo'o fa'apea ona latou ta'a'a'alo fa'atasi ma Tino i le 'au o Ausetalia. O lo'o iai ia Murray Taulagi ma Jeremiah Nanai mai le kalapu liki o le Cowboys.