E Le O'o Le Fusuaga I Le Taamilosaga Lona Ono" : Ato Plodzicki

Ato Plodzicki Faoagali

Ata Pueina: Eyespy Radio

Ua sauni nei le ali'i fusu o Seua'i Ato Plodzicki Faoagali i le la
ta'aloga ma le ali'i fusu mai Fiti , o Apisai Naciqa i le la tauvaga
faavaomalo lea o le'a fa'atautaia i le Aso Faraile o le vaiaso nei.

I se faatalatalanoaga a le vasega o le au tusitala ma le afioga ia Ato
, sa fesiligia ai fo'i nisi o ana tapenapenaga ua saunia mo lenei
tauvaga. Sa fa'ailoa mai e Ato o ia ua lava lenei ona tapenapenaga ma
o lo'o ia tulimata'u foi lenei tamiliosaga.

"Ua o'u lava tapena ma oute le mana'o fo'i ia au i le ta'amilosaga
(round) lona ono le ta'aloga o luma nei" tala ai le alii fusu ia Ato.

Sa fa'alau'aitele mai fo'i e Ato ia la tapenapena ma le ali'i fusu ia
Marion Faustino Ah-Tong a'o la nofo sauniuni ai mo le sefulu vaiaso ua
mavae. O le alii talavou ia Marion Ah Tong lea o le'a a fufusu ma le
alii Fiti ia Ratu Rakuro.

"E ui ina le manuia taumafaiga a le uso ia Marion i ta'aloga ua mavae
ae tumau pea le fa'atuatua , ma ua o'u iloa fo'i o le a toe taumafai
malosi mai le uso lenei tamilosaga ," saunoaga a Ato.

O Marion ma Ato ua loa fo'i le la taumafaiga i lenei faagatama o le
fusu i totonu o le Pasefika ma le lalolagi. Sa pine siliva le alii ia
Ato i taaloga o le Commonwealth o le tausaga nei lea sa fa'atautaia i
Birmingham, England.

I le pito laau o le 'au a Fiti , ua fa'alia fo'i le to'a o le alii ia
Apisai Naciqa i le la ta'aloga ma Ato.

"O le'a ou sau foi ma le loto atoa , ma oute fia manumalo fo'i" saunoa
ai le alii ia Apisai o le au o Fiti ina ua fesiligia i nisi o ana
tapenapenaga mo lea ta'aloga.

O lea amatalia lea taamilosaga i le Faletaalao o le Gym 2 i Faleata i
Tuanaimato i le Aso Faraile nei aso 25 o Novema 2022