A'afia Niu-Sila I Le Afa O Gabrielle

Ata Pueina: Ofisa Vaai Tau A Samoa

Ua aafia nei le atunu'u o Niu-Sila i le afa o Gabrielle lea ua aafia ai ona o le tau ogaoga i le itu i matu ma le ogatotonu o Niu Sila. O lo'o tulimataia pea e le Ofisa o le Vaai Tau a Niu Sila lenei afa ma o loo lapataia foi e le Ofisa le mamalu lautele ina ia sauni mo uiga ogaoga o le tau.

Ua se'e nei le malosiaga mai se afa o le Vaega 2 i le Vaega 1, lea na ui atu i le Motu o Norfolk (Norfolk Island) ananafi. O matagi sili ona faataumaoi o le afa e lei taia ai le motu, o le tala lea a le Pulega o Faalavelave Faafuasei a Ausetalia.

Ae e ui ua faaitiitia le malosiaga o le afa o Gabrielle, ae e le tatau ona manatu mama i ai. Ua lapatai mai le Ofisa o le MetServices: "E tusa ai ma le tulaga ma le malosi o Gabrielle, o lenei faiga e matua maualuga lava le tulaga lamatia ai tagata ona o le ogaoga o aafiaga, ma le le mafaatusalia o le leaga o le tau i le Motu i Matu o Niu Sila mai le Aso Sa e oo i le Aso Lua a taeao."

O Aukilani o se tasi o nofoaga o loo matua aafia i le afa o Gabrielle. Ua aafia foi femalagaaiga tau i vaalele - Ua faaleaogaina e le Air Niu Sila faigamalaga i le lotoifale mai pe ui atu foi i Aukilani, Hamilton, Tauranga ma Taupō, seia oo i le aoauli o le Aso Lua.

O nisi o faigamalaga faavaomalo e faaleaogaina foi, pe faaliliuina i se isi malaevaalele i Niu Sila.

Ua fuafuaina le afa e faaitiitia ai le agai atu i le Aso Lulu ma le Aso Tofi, ma o le taimi nei ua fautuaina tagata e le au pulega e nofo i lalo, aloese mai soo se malaga e le manaomia ma faia isi fuataga faaeteetega ina ia tumau ai i le saogalemu.