ATOA LE 50 TAUSAGA TALU ONA FAAVAE LE FAALAPOTOPOTOGA O "AUTALAVOU MO KERISO" I SAMOA

Ata Pueina: Youth For Christ

O lenei vaiaso atoa ua faamanatuina ai le atoa ai lea o le 50 tausaga talu ona amata le galuega a le faalapotopotoga o "Autalavou Mo Keriso" po'o le "Youth For Christ" i Samoa nei.

O le aso ananafi na amata ai fiafiaga ma pesepesega mo lea faamoemoe e manatua ai pea ē na amataina le galuega a lea fa'alāpotopotoga o lo'o fa'atāuaina soifuaga o tupulaga talavou a le atunu'u.

Ole fa'ailogaina o lea matati'a tāua na 'āmataina ile savali fa'aaloalo na 'auai ai 'autalavou olo'o i lalo ole fa'amalu ale Fa'alāpotopotoga fa'apea ā'oga ua o'o iai ana galuega.

Na saunoa le afioga ile Sui Palemia ia Tuala Iosefo Ponifasio i lana lāuga fa'apitoa,

“O Fepurari ile tausaga 1973, na fa'avaeina ai le ‘Autalavou Mo Keriso’, ma e lei fa'atūina o se 'ēkalesia, ae o se fa'alāpotopotoga e tapu’e ai le soifua fa'aleagaga ma aga tausili i fanau talavou, ona o a'afiaga e ono alia’e mai i augātupulaga eseese.”