AUAI SUI MALU O LE MALO I AOAOGA MO LE PUIPUIGA O LE SAOGALEMU

Ata Pueina: Samoa Police

E to’asefulu sui o le Matagaluega o Leoleo Falepuipui ma le Toefuata’iga a Samoa ua mae’a lelei a’oa’oga i mataupu tau i le puipuiga o le filemu mo atumotu o le Pasefika i Saute sa faatautaia i totonu o Saina.

O lea aoaoga sa faatupeina e le Malo o Saina.

Faaalia e le Komesina o Leoleo ia Auapaau Logoitino Filipo, “e tele le tomai ua maua e le i latou sa auai atu i leaaoaoga o le a siitia ai lo latou agavaa e auai i galuega tausi filemu e le gata i Samoa nei ae faapea foi atunuu mamao.

Na ia momoli foi lona agaga faafetai i le Malo o Saina mo le tuuina atu o le avanoa i sui o le Matagaluega o Leoleo a Samoa e auai ai.

O lo'o galue malosi le Matagaluega e fa'aauau pea ona faalautele le tomai a ona sui mo le malu puipuia o si o tatou atunuu faapea ai lenei itulagai o le Pasefika.