FA'ATO'ESE LE TAMA ONA O LE SASI A SI ONA ATALI'I

Ata pueina: Tuilagi William Leolahi  Facebook

"Ia fa'amagalo mai i maua ma Semi", o le aioi atu lea a Samisoni Waqavatu i le mamalu o le 'au tapu'ai a Fiti, ona o le fa'atamala a lona atali'i o Semi Radradra i le ta'aloga ma Uelese i le Pulu A o le Ipu o le Lalolagi o le Lakapi sa faia i le Aso Gafua ua tuana'i atu.

E le'i faia lava se fa'atalatalanoaga a Radradra ma le 'au fa'asalalau talu ona mae'a lea ta'aloga, ae ua agiga i luga o upega tafailagi i le aso ananafi le fa'atoesega a si ona tama ona o se sasi a si ona alo,

Na lusi i luma le polo mai ia Radradra i minute fa'ai'u o le ta'aloga finau ma Uelese, ma misia ai le avanoa e manumalo ai Fiti a'o 32 - 26 ia 'ai o le ta'aloga.

"Ou te aioi atu ma le loto maualalo ia outou fa'amagalo ia Semi. Fa'amagalo i sona sasi i le ta'aloga ma Uelese. 

"E ui e matuitui ma oona le mea sa tupu, ae malilie mai ia fa'amagalo ia Semi.