SAINI E LE MOANA PASIFIKA LE ALI'I O JULIAN "THE BUS" SAVEA

Ua sainia nei e le Moana Pasifika le sa avea muamua ma sui o le Olo Peleki ia Julian Savea. 

O Savea e 54 ana taaloga mo le 'au a le All Blacks a Niu Sila, ma o le tausaga fou o le a ia ta'alo ai mo le Moana i le ta'amilosaga o le Supa Lakapi.

O Julian ua logologoa i le lalolagi o le lakapi i lona ta'alo malosi e le tu i se pu'e, o le mafuaaga lea ua faaigoa ai e nisi o "Le Pasi" ona e le fefe e sa'o i luma ma le polo.

E 46 ana sikoa a'o ta'alo ai mo Niu Sila, ma o le 2017 lana ta'aloga mulimuli mo le All Blacks.

Ua leva foi ona ia taalo mo le Hurricanes mai Ueligitone.

O Savea e sau mai afioaga o Siumu, Luatuanuu, ma Falesiu Uta i Samoa. O ona tua'a o Lina ma Masina Savea. 

Na malaga i Niu Sila a o talavou, ma la tausia a’e o la alo o Julian faapea Ardie o lo'o ta'alo i le taimi nei mo le All Blacks.

O le auai ai o Savea i totonu o le Moana Pasifika, o le a atili ai ona malosi le laina pito i tua a le 'au. 

E pei ona iai foi nisi o alo mai i le Pasefika ia Neria Fomai ma Levi Aumua.