AUAI LE AIGA FOLAU O SAMOA I LE FAAMANATUINA O LE 200 TAUSAGA TALU ONA TAUNU'U LE TALA LELEI I LE ATU KUKI

(Ata pueina: Supplied)

E toatolu sui folau mai i le Aiga Folau o Samoa (Samoa Voyaging Society) ma le 'auva'a a le Gaualofa na mafai auai atu e fesoasoani i le fa'afoeina lea o le sa o le Paikea a le malo o Rarotonga aua le faamanatuina ai lea o le 200 tausaga talu ona taunu'u le tala lelei i laufanua o le Atu Kuki (Cook Islands).

O lea fa'amoemoe na patipatia ma samiina e tagatanuu o le Atu Kuki, ma o latou e toatolu mai i le Aiga Folau o Samoa na auai atu mo lea fa'amoemoe e aofia ai le Peresetene o le Sosaiete ia Memea Lyvia Black, o le Kapeteni o le Gaualofa ia Karl Steffany, ma Lilimailagi Maoaluma Onesemo.

The SVS crew were supporting the Cook Islands ' Te Puna Marama Voyaging Foundation in their community commitment for the 200 year celebration of Christianity in the Cook Islands.  

Na auai atu i latou e fesoasoani lea i le Asosi Folau o le Te Puna Marama aua le patipatia ai lea o le samiga o le 200 tausaga talu ona avea le Atu Kuki ma atunuu Kerisiano.

O le a toe taliu mai i Samoa nei i latou ia e toatolu i le vaiaso fou pe a maea fiafiaga o le faamanatuina o lea matatia ua ausia e le Atu Kuki.

Na taua e le tamaitai o Memea Lyvia Black, "O se fiafiaga mo i latou le mafai ai lea ona auai atu e faamanatuina lea aso taua mo Rarotonga aemaise o le Faakerisiano.

“Ia manatua pea, ua 200 tausaga talu ona iai le Fa’aKerisiano i le Atu Kuki, i Samoa talu mai le 1830, ma o le folauga sa fai ma toto o o tatou tua’a mo le fa afe tausaga. Ma o lo tatou faasinomaga foi lea."