Auai Samoa I Le Travel & Adventure Show I Los Angeles

Asuelu ma le Punialava’a band ma sui o le STA sa auai atu ia le Fa’amoemoe i Amelika.

Ata Pueina: STA

O Samoa o se tasi o atunuu mai i Motu o le Pasefika na fai ma sui i le Faaaliga o Malaga ma Tafaoga (Travel & Adventure Show) i Los Angeles i lenei tausaga, ma na amata faagasolo mai i le aso 18 – 19 o Fepuari i le Maota Autu mo Fonotaga i Los Angeles i Kalefonia.

O le faaaliga o se gaoioiga o femalagaaiga sili ona lauiloa i le lalolagi, ua mafai ai e tagata e faia fefaatauaiga ona oo atu i le toatele o tagata faatau faaaitalafu ma sui o femalagaaiga i lalo o le taualuga e tasi.

O lea gaoioiga faavaomalo e taua tele mo Samoa ona o le tele e leo iai le silafia tau faatauga faaaitalafu. O lea polokalame ole a fatuina ai foi le tele o avanoa e galulue ai ma sui o femalagaaiga a kamupani malaga taamilo ma tagata o le au faasalalau.

O le tausaga lona 18 lenei talu ona amatalia le gaioiga, ma e ova ma le 1'89 miliona le aofai o le aufemalagai ma le 4500 tagata fefaatauai ua iai i lea faamoemoe.

Ua maualuga foi le aofaiga o le faatauina o femalagaaiga. O tausaga taitasi, e lolofi atu ai tagata malaga sili ona fiafia i Amerika i a latou faaaliga o femalagaaiga e fiafia i ai e saili, fuafua ma faatau.

O le au faamatuu a Samoa sa aofia ai sui o le Turisi Pisinisi a Samoa ia Poinsettia Taefu mai Samoa ma Cherise Nketiah o le sui a le Pulega o Amerika i Matu.

Sa fesoasoani ia i latou se tasi o alii faiata ia Asuelu Pula'a mai le polokalame lauiloa o le "90 Day Fiance", faapea ai foi ma nisi o sui o le aufaipese lauiloa o le Punialava'a, o Nanai Viellani ma Melody Peteru.

Na iai foi ma le aufaafiafia o le Teine o le Manuia sa faaalia nisi o siva faaleaganuu a si o tatou atunuu ma pese i le gagana Samoa.

O nisi o atunuu mai i le Pasefika sa auai i lea faaaliga e aofia ai Guam, Fiti, Tahiti, faapea Amerika Samoa.