Ausia E Don Opeloge Matāti'a Fou

Ata Pueina: Pacific Elite International Tournament 

Ua toe ausia e le alii ia Don Opeloge se isi matati’a maoa'e i le Ta’amilosaga Fa’ava-o-malo a le Pasefika i Ausetalia, avea ai ia ma tagata muamua ua faatuina se matatia Commonwealth ma le Oceania e lua i le vaega o le si’isi’i u’amea mamafa e tusa ma le 102kg.

O le pine auro a le Commonwealth Games na manumalo ai le alii Samoa ia Don Opeloge i le Best Overall i sui o alii si'isi'i ma le tino i tupe e $1000 AUD.

O le alii o Don ua tulaga maualuga ma i le aso lona lua o ana tolegina lea na faatautaia i Melepone, na ia faamaeaina ai le Personal Best Push Press o le 210kg le mamafa , faateia ai le toatele o le au maimoa faapea le fiafia ai o faamasino i lona taumafai.

O le Aso Gafua o le vaiaso ua tuana'i na malaga atu ai le ‘Au Siisii ​​Mamafa a Samoa mo taamilosaga i Ausetalia i le ta’ita’iga a le Peresetene ma le Faiaoga Ulu le afioga ia Tuaopepe Jerry Wallwork.

O toleniga sa faatinoina i Ausetalia ua aofia ai le avanoa e faia ai se koleniga i le Oceania Weightlifting Institute faatasi ai ma le faiaoga siisii ​​iloga i lea faagatama le alii ia Paul Coffa.

Faalia le fiafia tele le alii faiaoga ia Tuaopepe Jerry Wallework i le taumafai ma le tausinio o nisi o fanau o le atunuu o loo finau i atunuu tetele o le lalolagi.

Faailoa e le alii ia Don Opeloge e faapea o nei faamanuiaga uma o meaalofa mai Le Atua mo ia ma lona ola tautua mo Samoa aemaise si ona aiga o loo tapua'i atu iinei Samoa.