AVEA STEVE HANSEN MA FAUFAUTUA-LE-TUMAU MO LE AU A LE WALLABIES

Ata Pueina: Sky Sports

Ua auai atu nei i le au a le Wallabies a Ausetalia le sa avea muamua ma Faiaoga Ulu o le au a le All Blacks a Niu Sila i le 2012 - 2019 ia Steve Hansen.

Na vala'aulia Steve Hansen e le Faiaoga Ulu a le Wallabies ia Eddie Jones, ina ia fesoasoani ai lea i tapenaga a le Wallabies mo lana ta'aloga i le fa'aiuga o le vaiaso nei ma le 'au a Farani.

E tasi le vaiaso o le a galue ai Hansen i lea tulaga mo le Wallabies, e pei ona fa'amaonia mai e le ripoti a le Sydney Morning Herald.

Ua fa'ateia le toatele o le 'au a le All Blacks e pei o le latou hooker ia Dane Coles, i lea fa'aiuga ua faia e Hansen.

Talu ona avea Jones ma faiaoga o le Wallabies, e le'i manumalo lava i ana taaloga faava-o-malo/test matches uma e fa (4) ua mae'a faia i lenei tausaga.

Hansen has the most wins of any All Blacks coach, with 93 from the 107 Tests in which he was in charge.

O Hansen e tele ai lava le aofaiga o ana manumalo i faiaoga uma ua mavae atu mo le 'au a le All Blacks, e 93 manumalo mai i le 107 ta'aloga.

O lana paeaiga foi na manumalo ai Niu Sila i le Ipu o le Lalolagi i le 2015.