E Lē Aafia Samoa I Se Sunami

Ua fa'ailoa mai nei e le Ofisa o le Vaai-Tau i Samoa ia le fa'a-le-aogāina lea o se fautuaga mo se sunami na lapatā'ia mo le mamalu o le atunuu i le taeao o le asō. 

O le taeao o le Aso Tofi na fa'ateia ai le mamalu o le atunu'u ina ua faalogoina le malosi o se mafui'e e tusa ma le 6.9 lona malosi i le tasi minute e te'a ai le lima (5:01am) i le taeao. 

E talitonu o le atu motu o Toga na alia'e mai ai lenei mafui'e  ma e tusa ma le 424.49km le mamao mai Apia e pei ona tā'ua i faasalalauga o le ofisa o vaai-tau i Mulinu'u. 

I le mā'ea ai o fa'asalalauga o le mafu'ie na mulimulita'i mai ai ma lapatā'iga o fautuaga mo se sunami lea na fa'ailoa mulimuli mai e le Ofisa ua faa-lē-aogaina nei ma ua saogalemu fo'i Samoa. 

Samoa Meteorology Division