FAAFAIGOFIE E LE DIGICEL MA LE E.P.C LE FAATAUINA O LE CASHPOWER E FAAOGA AI LE MYCASH APP

Pule Sili o le Digicel ia Anthony Seuseu ma le Pule Aoao o le EPC, o Faumui Tauili'ili Iese Toimoana (Ata: Supplied)

Ua sainia nei e le kamupani telefoni o le Digicel Samoa ma le Pulega o Malosiaga Tau Eletise (E.P.C) se maliega e fa'afaigofie ai ona fa'atau ai lea e le mamalu o le atunuu a latou cashpower mo a latou maota ma laoa e fa'aoga ai le auaunaga o le MyCash App il uga o telefoni feaveai.

O le faaaogaina o le vaega o le totogiina o pili i le Digicel MyCash App, e mafai ai e aiga ona vave faateleina lo latou malosiaga totogi muamua (prepaid power), ma faamautinoa ai le mauaina pea o le eletise e aunoa ma ni faafitauli.

O lea auaunaga fou o le a aoga tele lea mo aiga maotua, aua o le a aveesea ai le manaomia o le malaga mamao i se faleoloa e faatau ai le eletise. 

O le a mafai ai foi e tagata faatau ona aloese mai laina uumi i faleoloa ma le faafitauli o le le lava o le malosiaga i taimi o faalavelave faafuasei, e tusa lava pe ua tapunia uma fale e maua ai le cashpower.

O lea polokalama fou na galulue vaavaa lua ai le Digicel ma le E.P.C, ma na faailoa mai e le Pule Sili o le Digicel ia Anthony Seuseu, o le amataga lea o le a galulue ai foi i nisi poloketi i le lumanai.

Sa ia faalautele atu lona agaga faafetai i le Pule Aoao o le EPC, o Faumui Tauili'ili Iese Toimoana, mo lona vaai mamao ma le vaaiga mamao lea na taitai atu ai i lenei mea taua na ausia.

"A o taliaina e Samoa le galu o suiga faafuainumera, e taua tele lo tatou galulue faatasi ina ia mautinoa e leai se tasi o tuua," o le tala lea a Anthony Seuseu.