Faafiafia se tasi o tamaitai Samoa i le Super Bowl

Nisi o Alo a Samoa sa faafiafia i le super bowl

Ata Pueina: Supplied

O le aso ananafi sa faatautaia ai le suegasiamupini mo le taamilosaga lakapi Amerika po'o le NFL Super Bowl lona 57, ma e toafa alo o Samoa sa taaalo i lea taaloga.

E lē gata i lea, ae sa mafai foi ona auai ai foi se tasi o tamaitai Samoa ua logologoa ile lalolagi i le taleni o le siva e suafa ia Paris Goebel lea sa feagai ma le aoaoina o siva mo le faafiafiaga a le tamaitai pese lauiloa ia Rihanna ina ua ta le afa o le Super Bowl lona 57.

Ao sauni ai Paris Goebel mo lea faafiafiaga ma Rihanna, na ia faailoa i luga o upega tafailagi se feau tusitusia e faapea:

"O au o se teineitiiti na ola ma tupu mai i Niu Sila ma Barbados ao lea ua mafai ona ou maua le avanoa e faafiafia faatasi ma le tamaitai pese lauiloa ia Rihanna I le Super Bowl."

O le tausaga e 2020 sa faafiafia ai foi Paris ma le tamaitai pese o Jennifer Lopez. 

Ma na faaigoaina e le Ofisa faasalalau o le New York Times ia Paris o le M.V.P faalilolilo ona o le matagofie o siva na aoina e lea tamaitai Samoa mo le faafiafiaga a Jennifer Lopez.

O le tamaitai o Paris Goebel sa tauaaoina ai foi e le Malo o Niu Sila se tasi o faailoga taualoa ua tā'ua o le "New Zealand Order of Merit" i le tausaga e 2020 ona o Lana tautua e ala i le taleni o le siva.

Na tauaaoina lea pine i se sauniga aloaia i Ueligitone ua faaigoaina o le Lisi o le Tausaga Fou a le Tupu Tamaitai mo le 2019.

O Paris Goebel sa iai foi i se tasi o ata siva ua faaigoaina o le "Step Up 4".