Fa'agasolo Le Pa'u Fa'apitoa A Le Island Rock Limited

Pa’u fa'apitoa mo oloa a le kamupani o le Island Rock i Togafu'afu'a.

Ata Pueina: Island Rock Company Limited

Ua maua nei e tagata O Samoa se fa'amama avega e ala mai i se fa'apitoa mo oloa a le kamupani o le Island Rock i Togafu'afu'a ua ta'ua o le "3-day Pre-Christmas Sale" po'o le "Power Sale. O lea faapitoa na amatalia i le aso ananafi (23 o Novema) ma o le a fa'amuta ile aso 25 o Novema. O le tele o oloa o loo fa'apea ona maua i se tau pa'u tele, ma o nisi o tau o oloa nei ua toesea mai ai le 100-600 tala mai i le tau masani.

O lo'o maua faapitoa mo pusa'aisa o le ituaiga o le Midea Bar Fridge 9L o lo'o fa'atau i le $699 mai i le tau masani e $899 tala. O le Midea Bar Fridge 46L o lo'o fa'atau i le $399 mai i le tau sa'o e $499 tala. O le pusa'aisa ta'atia o le Midea 295L Chest Freezer o lo'o ua pa'u mai i lona masani o le $1599 i le $1150 tala. O le Midea 142L Chest Freezer ua pa'u nei i le $899 mai i le $1199 tala, ma le tele o oloa o lo'o fa'apea ona maua i se tau taugofie.

O oloa uma nei o lo'o aofia atu ai ma se warranty e 2 tausaga le umi, ae na'o masini ea malulu e tolu tausaga o le warranty. O lo'o fa'apea fo'i ona maua televise flat screen, e amata mai tau i le $2299 i le $4399.

Pa’u fa'apitoa mo oloa a le kamupani o le Island Rock i Togafu'afu'a.

Ata Pueina: Island Rock Company Limited

O lo'o mafai fo'i e le Island Rock ona fa'apipii pe install fo'i nisi o nei oloa e aunoa ma se totogi. I nisi o oloa o lo'o fa'apea fo'i ona maua e aofia ai hampers, faleta'ele, microwaves ma le tele lava o nisi oloa.

O le Aso Faraile o le a fa'agata ai lea fa'amoemoe ma na ta'ua e se sui o le kamupani, e mafai ona maua se pa'u mo oloa e le'o aofia i lea fa'apitoa pe a e susu atu i Togafuafua mafesiligia le latou ofisa. Fa'afeso'ota'i le numera 28972 po'o le 29224 mo nisi o fa'amatalaga e uiga i lea fa'apitoa.