FAAGASOLO TUI PUIPUI MO FANAU MAI LE MISELA
Ata Pueina: Chikara Yosida CY Photography Apia Samoa / Getty Images
O lo o una’ia e sui o le Matagaluega o le Soifua Maloloina faatasi ai ma le komiti a Tina le mamalu o le atunuu o Samoa ina ia faagasolo tui a latou fanau ma fanau laiti ina ia puipuia mai ai faama'i o le rubella, mumps aemaise le misela.
Ole tui ole MMR lea e faapea ua sauni e faagasolo atu i nuu uma o Samoa, o le'a avea ma faamuamua a le Faatonu Sili ole Soifua Maloloina le afioga ia Alec Ekeroma ma le Matagaluega ina ia faatino ma faagasolo loa lenei vaega o puipuiga.
E lei aafia Samoa i le taimi nei, ae ona o mataupu sa ali'ae iloa na tulai mai i totonu o atunuu tuaoi pei o Niu Sila ma Ausetalia , lea e
faapea e tatau ona nofo sauniuni ai le mamalu o le atunuu ina nei taunuu mai le faamai i o tatou laufanua.
Sa faapea ona auina atu mo Niu Sila ni suesuega mo tagata e to'alua na masalomia ua maua i le misela i le falegasegase i Moto'totua. Sa
faapea ona tuuina mai iuga o nei suesuega e faapea e le'o aafia i laua i le misela.
O se fa’aaliga na faia e le Matagaluega o Soifua Maloloina pe tusa o le vaiaso talu ai sa faailoa i le mamalu o le atunu’u o le atunu’u ina ia fai tui puipuia o fanau ona o popolega i le fa’atupula’ia o fa’ama’i i Niu Sila ma Ausetalia.
I lenei lava faasalalauga sa faapea ai le Matagaluega na una'ia ai le mamalu o le atunu'u ina ia omai e faatino tui puipui , e foliga mai e le'i to'atele matua na utagiaina lenei faasalalauga ma o loo faatino loa e le Matagaluega le latou galuega ina ia faagasolo i tua le aiufaigaluega e faatino nei vaega ona o popolega o iai nei mo Samoa.
Sa maua masalosaloga e faapea o matauputau misela na amata mai Ausetalia, ona o se pasese na malaga mai Abu Dhabi i totonu Melepone i le fa'ai'uga o Ianuari na masalomia ai e le matagaluega o le soifua maloloina o nei atunuu e faapoea o lea lava pasese na ulufale totonu o Niu Sila.
O lo’o una’ia e le Matagaluega o le Soifua Maloloina le mamalu o le atunu’u ina ia fa’aauau pea tui puipui mo nai fanau mo nisi tulaga fa’apenei.Aemaise lenei vaitaimi ua toe tatala alava'a ma o loo ulufale mai le toatele o tagata eseese i totonu o Samoa ma aumai faamai eseese.
O auga ole misela e mafai ona vaaia ile va ole 7 i le 18 aso pea maua ai se tagata (tamaiti) pe a'afia fo'i. Ole puipuiga sili mai faamai o le misela, mumps ma le rubella ole tui ole (MMR). E leai se totogi o lenei tui.
E tusa ai ma fuainumera faamaumau o le misela lea na omafatia ai Samoa i le 2019 na faamauina ai le 5,700 ma le 83 (3% o le faitau aofaʻi o tagatanu'u Samoa) na aafia ma maliliu mai le faʻamaʻi. O le mafuaʻaga o le faʻamaʻi na mafua ona o le faʻaitiitia o tui puipui, mai le 74% i le 2017 i le 31-34% i le 2018.