Molia Ni Alii Talavou I Le Maliu Ai O Se Alii Samoa I Niu Sila

Le alii ia Joshuah Tasi lea na maliu mai le faalavelave i North Shore i Niu Sila.

Ata Pueina: Facebook / Supplied.

E to’alua ni tupulaga talavou, 14 ma le 17 tausaga le matutua o le ā tula’i i luma o le Faamasinoga o Tupulaga Talavou i North Shore Niu Sila ona sa la fasioti tagata paivalea i se alii Samoa e 28 tausaga le matua.

O le Aso Sa o le vaiaso nei , na faapea na pueina ai ni talavou se toalua i totonu o North Shore ma molia i le la fasiotia ai o le ua maliu le alii ia Joshuah Tasi.

I ni lipoti mai ofisa o leoleo i Niu Sila, e faapea i se faalavelave tau taavale na aafia ai le alii ia Joshuah i le po o le Aso Faraile , na osofā'ia ai loa si lea alo o Samoa e nei alii talavou e to'alua.

Sa lipotia mai e le nusipepa a Niu Sila o le NZ Herald e faapea sa osofa’ia le alii ia Tasi a o i ai i totonu o lana ta’avale ma sa fa'aaogaina se a'upega matautia (agaese) e faaoo ai le oti ia te ia.

I lipoti sa faailoaina , e faapea o vaega o le tino o Joshuah Tasi na faamanu'alia e aofia ai lona ua , o lona fatafata ma ona aao (vae).
Sa aga'i atu nisi o le mamalu e taumafai e fesoasoani i le alii ia Joshuah Tasi , ina ia taofia le palapala ae peita'i ua tuai ma i'u na maliu si nei alo Samoa.

Na potopoto tagata o le nu’u i le po o le Aso Sa mo se sauniga (tatalo) ma ni fa’aaloaloga e manatua ai le ola o le alii ia Joshuah Tasi.