FA'AILOA E VAOVASAMANAIA LANA 'AU MO TA'ALOGA O LO'O LOMA NEI A LE MANU 'AE E LE'I AMATAINA LE IPU O LE LALOLAGI

Manu Samoa

Ata Pueina: Lakapi Samoa

Ua fa'ailoa aloaia mai nei e le Faiaoga Ulu o le Manu Samoa XV ia Vaovasamanaia Seilala Mapusua lana 'au filifilia mo ta'aloga o lo'o loma nei a le Manu ae e lei malaga atu mo le Ipu o le Lalolagi i Farani ia Setema o le tausaga nei.

O le Aso 1 o Iulai ua fuafua e tu'ufa'atasia ai le 'au i se camp e tapena ai mo ana ta'aloga ma Iapani, Fiti, ma Aialani.

I se pepa o fa'amatalaga na tuuina mai e le Pulega o le lakapi Samoa i le Aso Gafua o le vaiaso nei, na fa'aalia ai o le ta'aalo Iapani ma Samoa i le Aso 22 o Iulai i totonu o Hokkaido, ona soso'o ai lea o le ta'aloga ma Fiti i le Aso 29 o Iulai, fa'apea ai ma Toga i le Aso 5 o Aukuso o le a faia i le Apia Park.

O le Aso 26 o Aukuso i totonu o Farani o le a feto'ai ai le Manu ma le 'au lakapi o lo'o numera tasi i le taimi nei i le lalolagi, le 'au a Aialani.

Na taua e Vaovasamanaia, o lo'o ia tulimataia ta'aloga o lo'o loma nei a'o le'i agai atu mo le Ipu o le Lalolagi ina ia filifilia mai ai se 'au malosi. "O le toatele o i latou nei ua i totonu o le 'au o lo'o ta'aalo i totonu o Europa, ma e toaiva (9) sui fou ua iai nei i totonu o le 'au. E toaono (6) nisi o tama ta'aalo sa ta'aalo mo isi atunu'u ua filifilia i totonu o le Manu."

Taua foi e Vaovasamanaia,“O le taimi muamua lenei ua potopoto ai le Manu Samoa i Samoa talu mai le 2019, ma o se taimi faapitoa lea e mafuta ai le ‘au i o tatou aiga, o tatou nuu ma o tatou tagata."

Ma o i latou nei ua filifilia:

FORWARDS
1. Michael Alaalatoa - Fasito’o-uta, Matatufu
2. Brian Alainuuese - Satupaitea, Satuiatua
3. Paul Alo-Emile - Falefa, Fasito’o-tai
4. Michael Curry - Vaoala, Fa’atoia
5. So’otala Fa’aso’o * - Savaia, Falelima
6. Miracle Fai’ilagi * - Vailele, Uafato
7. Charlie Faumuina * - Vaimoso, Gagaifo Lefaga
8. Jack Lam - Gataivai, Malie
9. Seilala Lam - Malie, Gataivai
10. Titi Lamositele * - Saleimoa, Falealupo
11. Jordan Lay - Safotu, Sasina
12. Fritz Lee - Solosolo, Vailele
13. Genesis Mamea-Lemalu - Faletagaloa Safune, Pu’apu’a
14. Steven Luatua * - Saleimoa, Malie
15. Sama Malolo * - Siusega, Salelologa
16. Theodore McFarland - Moamoa, Salelologa
17. Alamanda Motuga - Sataoa, Sa’anapu
18. Ray Niuia - Saipipi, Sa’anapu
19. Taleni Seu - Solosolo, Eva
20. Samuel Slade - Sapunaoa, Vailoa Palauli
21. Sa Jordan Taufua - Salailua, Neiafu
22. Luteru Tolai - Gagaifo Lefaga
23. Jeffery Toomaga-Allen - Falelatai, Lefaga
24. Tietie Tuimauga - Fagafau, Faala
25. Chris Vui - Foailuga, Saasaai
BACKS
26. Nigel Ah Wong - Alafua, Vaiusu
27. Ereatara Enari - Vaiala, Nofoalii
28. Neria Foma’i - Magiagi, Lepuia’i Manono-Tai
29. Stacey Ili - Fasitoo-uta, Satapuala
30. Christian Leali’ifano * - Magiagi, Letogo
31. Alai D’Angelo Leuila - Gataivai, Fagalii
32. Tumua Manu - Afega, Sasina
33. Melani Matavao - Fasito’o-uta, Lauli’i
34. Tim Nanai-Williams - Falelatai, Manono
35. Duncan Paia’aua - Satupaitea, Mutiatele
36. Ulupano Junior Seuteni - Samusu, Malie
37. Lima Sopoaga * - Papa Sataua, Sa’anapu
38. Martini Talapusi * - Vaiala, Malie
39. Jonathan Taumateine - Nofoalii, Satapuala
40. Danny Toala - Lotofaga, Faleasiu
Head Coach: Vaovasamanaia Seilala Mapusua