FA'ALAUILOA LE TEUILA APP A LE VODAFONE SAMOA

(Ata Pueina: Vodafone Samoa)

Ua fa'alauiloa nei e le Vodafone Samoa le latou polokalame fou mo telefoni feaveai ua fa'aigoaina o le Teuila App. O lea polokalame fou na fausia ma mamanuina e inisinia popoto fa'apea le 'au fau upega tafailagi a le Vodafone.  

O lea faiga fou o le a fa'afaigofieina ai mo tagata uma o le a matamata ma tafafao i le Teuila ona mata’itu uma polokalame, nisi o mea o le a tutupu, ma nisi o suiga i le faagasologa o fa'afiafiaga mo le Teuila.

O le Teuila App o lo'o ta'ua uma mai ai i luga fa'amaumauga mo itu uma o le Teuila, ina ia mautinoa o lo'o nofo silafia le mamalu o le atunu'u i tulaga uma o le a fa'atino.

O le a mafai ai foi ona iloa suiga mulimuli i le faʻatulagaga poʻo faʻamatalaga o mea  tutupu i luga o le app.

O le a maua ai foi fa'afanua o vaega uma o le Teuila ina ia iloa uma ai e tagata le vaega tonu o lo'o iai le fale latou te fia o iai.

“E matou te fiafia lava e fa’ailoa atu le Teuila App i si o tatou atunu'u, ua fa’atulaga e fa’aleleia atili ai tulaga uma o le Teuila,” o le saunoaga lea a Rana Bose, Ofisa Sili o le Vodafone Samoa. 

"O a matou inisinia ma le 'au fau upega tafaʻilagi sa galulue malosi e fausia lea tulaga o le a avea ma soa sili mo soʻo se tasi e auai i le Teuila."

"E momoli le faamalo tele ma le faafetai a le Vodafone Samoa mo le fausia o le Teuila App. Ina ua mae'a le 33 tausaga o faafiafiaga, ua e aumaia se meafaigaluega i o tatou tamatamailima, e faatamaoaigaina ai le poto masani mo tagata o le atunuu ma tagata asiasi mai," saunoa Pativaine Petaia-Tevita, le Pule Sili o le Pulega o Tagata Tafafao Maimoa Mai i Fafo.

O lo'o avanoa le Teuila App i lug ole iOS ma Android platforms e amata ile Aso 1 o Setema ma e mafai ona maua ile App Store ma le Google Play i le https://play.google.com/store/apps/details?id=ws.com.vodafone.