FA’AMAVAE LE KOMESINA O SULUFAIGA

Samoa
Written By Bethel Peato

Faualo Pepe Seiuli

Ata Pueina: RNZ

Ua faamaonia mai e le Sui Komesina o Sulufaiga ia Faualo Pepe Seiuli le faamavae ai lea o Luamanuvao Katalaina Sapolu-Lussick mai i le tofiga o le Komesina o Sulufaiga, ma o le aso mulimuli na ia galue ai i lea tofiga o le Aso 30 o Me o le tausaga nei.

Saunoa Faualo e fa’apea, ua fa’amavae Luamanuvao ona o mafua'aga fa'aleaiga, ma ua mae’a ona ia tu’ua le atunu’u ae fa’atasi i lona aiga i Egelani.

O Luamanuvao, ua loa tausaga o galue o se loia, ma o ia foi o le tamaitai muamua na tofia e avea ma Komesina o Sulufaiga ma Faauluuluga o le National Human Rights Institution i le masina o Aperila i le tausaga e 2021 mo le 3 tausaga.

A’o le’i tofia o ia e avea ma Komesina o Sulufaiga, sa avea o ia ma Faufautua Sili mo le Fa’alapotopotoga o Setete o Aferika, le atu Karepeane faapea ia ma le Pasefika i Brussels.

Sa avea foi o ia ma Faatonu o le Commonwealth Secretariat Rule of Law Division mai i le 2013-2017, sosoo ai lea ma le tofia o ia e avea ma Faatonu o Pulega o le Commonwealth Secretariat mai i le 2018-2019.

O Luamanuavao o le faletua o le alii Faamasino ia Richard Lussick.

Bethel Peato
Previous

SAUNI STEPHEN CRICHTON E TA'ALO I LE 'AU A LE N.S.W INA UA LAVEA LATTRELL MITCHELL
Next

MISIA E LATTRELL MITCHELL LE TA'ALOGA LONA LUA A LE STATE OF ORIGIN ONA O MANUAGA