MISIA E LATTRELL MITCHELL LE TA'ALOGA LONA LUA A LE STATE OF ORIGIN ONA O MANUAGA

LATTRELL MITCHELL

Ata pueina: Stuff NZ

Ua fa'ailoa mai e le Faiaoga Ulu o le 'au o le (N.S.W) New South Wales Blues ia Brad Fittler le lē ta'alo ai lea o Lattrell Mitchell i le ta'aloga lona lua o lo'o loma nei o le ta'amilosaga o le State of Origin ona o lo'o fa'amanu'alia o ia.

O Mitchell na afaina le maso o lona vae a'o ta'alo ai mo lana kalapu o le South Sydney Rabbitohs i le ta'amilosaga o le National Rugby League, ma o le mafua'aga tonu lea na lē mafai ai ona ta'alo o ia i le ta'aloga muamua a le State of Origin sa faia i le fa'aiuga o le masina ua mavae lea na malolo ai N.S.W i le Queensland Reds i 'ai e 18 - 26.

Peita'i, na toe vala'auina le ali'i o Mitchell e le pulega a le Blues i le amataga o le vaiaso nei e auai i toleniga ma le fa'amoemoe e ta'alo o ia i le ta'aloga lona lua a le State of Origin i le Aso 21 o le masina nei.

O le ali'i o Stephen Crichton o le a ta'alo i le tulaga o le Centre lea na fuafua e ta'alo ai Mitchell.

Na taua e Crichton i se faatalatalanoaga ma le News.com.au, e ui o lo'o fa'anoanoa le 'au ona o le le mafai ai e Mitchell ona ta'alo, ae na ia saunoa ua lava tapena le au mo le ta'aloga o loma nei.